1 SAMUEL 9:9 - KITTA KAREBA MADECENG

^9-11 Nappébali Saul, “Makessinni! Laono mai talao.” Nalaona mennang ri kotaé, ri onronna atanna Allataalaro. Wettunna mennang tuppuiwi bulu-bulu iya mattujué ri kotaéro, siruntu'ni mennang sibawa siyagangngaré ana'dara iya maéloé mala uwai ri bujungngé. Namakkutana mennang lao risining ana'daraéro, “Engka muwiga pakkita-kitaé ri kotaé?” (Iyaro wettué séddié nabi riyasengngi pakkita-kita, jaji rékko séddié tau macinna makkutanangngi séuwaé ri Allataala, makkeda makkuwaiyé, “Laono mai talao ri pakkita-kitaé.”)

1 SAMUEL 9:9 ပူးပေါင်းရင်းမြစ်များ

KAJAJIYANG 25:22

Namattampu'na ana' dénru, na ri wettu dé'napa najaji iyaro ana'-ana'é, magguliccii mennang ri laleng parémmananna. Nakkeda Ribka, “Magi iyaé gau'é naharusu kajajiyang ri aléku?” Nainappa méllau panunju ri Puwangnge.

2 SAMUEL 24:11

Makkedai Puwangnge lao ri Nabi Gad iya mancajiyé pappasisumpung Daud sibawa Puwangnge, “Laono namupowadangngi Daud makkedaé uwéréngngi tellu appiléng aléna. Agi-agi iya napilé maélo-Ka pogau'i.” Pappa bajanana, moto'nana Daud polé ri tinrona,

2 ARUNG-NGARUNG 17:13

Nakiringngi Puwangnge sining surona sibawa nabi-nabin-Na lao ri umma Israélié sibawa Yéhuda untu' palettu'i papparéngngerangngéwé: “Appésauno pogau'i majaé sibawa turusiwi sininna paréntaé sibawa hukkung iya Uwéréngngéngngi toriyolomu sibawa lao ri iko naolai sining nabié, ata-atak-Kuro.”

1 TAWARIKH 21:9

Nakkeda Puwangnge lao ri Nabi Gad, iya mancajiyé pappasisumpunna Daud sibawa Puwangnge,

1 TAWARIKH 26:28

Rippe'na, Sélomit sibawa kaluwargana mattanggung jawa'i lao ri sininna séuwa-séuwaé iya puraé riyabbéréyang untu' ripaké banna ri laleng Bolana Puwangnge, muttama'ni sining pakkasuwiyang iya naolaé Nabi Samuél iya puraé nabbéréyang Arung Saul, Abnér ana' Nér, sibawa Yoab ana' Zéruya.

1 TAWARIKH 29:29

Riwaya'na Arung Daud polé ri pammulanna lettu ri paccappurenna purani riyoki ri laleng kitta'na Nabi Samuél, Nabi Natan sibawa Nabi Gad.

1 TAWARIKH 9:22

Sininna iya napilé untu' monrowangngi pintu-pintu gerbangngé engka 212 tau. Ridaftar i mennang situru désa-désa onrong naonroiyé mennang. Toriyolona mennang riwéréngngi jabatang-jabatangngéro ri Arung Daud sibawa Nabi Samuél.

2 TAWARIKH 16:10

Iyaro ada-adanna Nabi Hanani mébbui Asa makkuwamani caina angkanna naputtama iyaro nabié ri laleng tarungkué. Iyatoro wettué napanrasa-rasai Asa siyagangngaré tau polé ri ra'ya'na.

2 TAWARIKH 16:7

Iyaro wettué laoni Nabi Hanani ri Arung Asa sibawa makkeda, “Nasaba sanréko ri arung Siria, na tenniya ri Puwang Allataala, teddénni kasempatammu untu' caui tentarana arung Israélié.

YESAYA 29:10

Puwangnge mébbuko cakkaruddu sibawa memme matinro. Natongkoi matanna sining nabié sibawa bombo'i rupanna sining pakkitaé.

YESAYA 30:10

Makkedai mennang lao risining nabié, “Tutu'i témummu! Aja' mupowadai lao ri idi aga iya tongengngé, iyakiya aga iya macinnaé riyéngkalinga. Leppessakki tette mannawa-nawa.

AMOS 7:12

Nainappa makkeda Amazia lao ri Amos, “Eh nabi, lisuno ri Yéhuda! Akkatobbano kuwaro. Leppessanni mennang mpérékko inanré!

1 KORINTUS 12:17

Akkalarapanna sininna iyaro tubué mancaji matai bawang, pékkugi iyaro tubué naulléi maréngkalinga? Iyaré'ga rékko sininna iyaro tubué mancaji daucculingngi bawang, pékkugi iyaro tubué marémmau?

HAKING-HAKING 1:1

Maténana Yosua, makkutanani umma Israélié lao ri Puwangnge, “Puwang, suku kégaénna polé ri idi harusu bunge-bunge lao gasai tau Kanaangngé?”

HAKING-HAKING 18:5

Namakkeda mennang lao ri aléna, “Rékko makkuwaitu, tulung akkutanangngi ri Allataala aga iyaé allalengetta papolé matu wassélé iyaré'ga dé'.”