1 SAMUEL 9:4 - KITTA KAREBA MADECENG

⁴ Nanajalajja'ni Saul silaong pattumaninna daéra buluna Efraim sibawa tana Salisa, iyakiya dé' naruntu'i iyaro sining olokolo'é. Nainappa mennang joppa matteru lao ri tana Sahalim, iyakiya iyaro sining kaleddé'é dé' towi gaga kuwaro. Nasappa towi ri daérana Bényamin, iyakiya siya-siya bawang.

1 SAMUEL 9:4 ပူးပေါင်းရင်းမြစ်များ

KAJAJIYANG 33:18

Ri laleng allalengengngé polé ri Mésopotamia, lettu'ni Yakub sibawa salama ri kota Sikhem ri tana Kanaan, nainappa napatettong kémana riséddié padang ri seddéna kotaé.

2 ARUNG-NGARUNG 4:42

Riséuwaé wettu iya laingngé, engka séddi worowané polé ri Baal-Salisa. Natiwirengngi Elisa gandong iya nappa riyéngngalaé sibawato duwappulo roti iya riyébbué polé ri gandong wassélé éngngalang mammulangngé ri taungngéro. Nasuroni Elisa pattumaninna bagé-bagéi iyaro rotié lao ri nabi-nabiéro,

YOHANES 3:23

Iyaro wettué dé'pa nauttama tarungkué Yohanés. Maccemméi ri Ainon, dé' namabéla polé ri Salim, saba' maéga uwai kuwaro. Poléni sining tauwé ri aléna, nanacemméi mennang.

YOSUA 19:42

Saalabin, Ayalon, Yitla,

YOSUA 24:33

Nainappa Eléazar ana' Harun maté toni, naritampung ri Gibéa, iyanaritu kota iya engkaé ri daéra buluna Efraim. Iyaro kotaé purani riyabbéréyang lao ri Pinéhas, ana'na Eléazar. 1 1

HAKING-HAKING 17:1

Engka séddi tau worowané riyaseng Mikha. Monroi ri daéra bulué ri daérana Efraim.

HAKING-HAKING 19:1

Wettunna tau Israélié dé'pa nappunnai arung, engka séddi tau Léwi monro ri désa-désaé, ri daéra buluna Efraim. Malai séddi makkunrai polé ri Bétléhém Yéhuda mancaji gundi'na.

1 SAMUEL 1:1

Engka séddi tau worowané, asenna Elkana, polé ri suku Efraim. Monroi ri kota Rama, ri daéra buluna Efraim. Elkana iyanaritu ana'na Yéroham sibawa eppona Elihu. Muttama'i kaluwargana Tohu, takkéna polé ri appanna Zuf.

1 SAMUEL 9:3

Riséuwaé esso siyagangngaré kaleddé appunnangenna Kish teddéng. Rimakkuwannanaro makkedani Kish lao ri Saul, “Tiwini sala séddinna pattumanié, namusappai iyaro sining kaleddé'é.”