1 SAMUEL 9:3 - KITTA KAREBA MADECENG

³ Riséuwaé esso siyagangngaré kaleddé appunnangenna Kish teddéng. Rimakkuwannanaro makkedani Kish lao ri Saul, “Tiwini sala séddinna pattumanié, namusappai iyaro sining kaleddé'é.”

1 SAMUEL 9:3 ပူးပေါင်းရင်းမြစ်များ

HAKING-HAKING 10:4

Ana'na iya worowané engka telluppulo tau. Mappunnaiwi mennang telluppulo kajunna kaleddé tonangeng sibawa telluppulo désa ri daéra Giléad. Iyaro désa-désaé riyaseng mupi désa-désa Yair.

HAKING-HAKING 5:10

Eh iko iya tonangiyé kaleddé puté, iko tudangngé ri yasé'na paramadanié, sibawa iko maneng iya joppaé, abbirittanni curita apakalangngéwé!

1 SAMUEL 10:14

Riitani Saul sibawa pattumaninna ri amuréna, namakkutana ri mennang, “Polé kégiko?” namappébali Saul, “Sappai kaleddé iya teddéngngéro, na wettunna dé' taruntu'i, laoki méwai sita Samuél.”

1 SAMUEL 10:2

Musalaikku essoéwé, siruntu'ko matu sibawa duwa tau worowané ri seddéna kuburu'na Rahél ri Zélzah ri daérana Bényamin. Makkedai matu mennang ri iko, makkuwaé, Riruntu'ni sining kaleddé iya musappaéro. Makkekkuwangngé dé'na namanenneng ambo'mu passalenna iyaro olokoloé, iyakiya matteru-terui makkutana aga harusu napogau' untu' lolongekko.”

1 SAMUEL 9:2

Kish mappunai ana' worowané, asenna Saul, séddiwi kallolo iya magelloé sibawa mawatang. Dé' muwi séddi tau ri sininna Israélié iya lebbi magelloé naiya aléna. Watakkaléna lebbi matanré towi; rata-rata tanréna tau Israélié banna gangka ri salangkanna.

1 SAMUEL 9:20

Passalenna sining kaleddé'mu iya teddéngngé tellungngesso labe'éro, aja' mubata-bata, nasaba rilolongenni. Nappani, iya kaminang mangke'é ri sininna Israélié maéloi riwérékko sibawa kaluwargana ambo'mu.”

1 SAMUEL 9:4

Nanajalajja'ni Saul silaong pattumaninna daéra buluna Efraim sibawa tana Salisa, iyakiya dé' naruntu'i iyaro sining olokolo'é. Nainappa mennang joppa matteru lao ri tana Sahalim, iyakiya iyaro sining kaleddé'é dé' towi gaga kuwaro. Nasappa towi ri daérana Bényamin, iyakiya siya-siya bawang.