1 SAMUEL 9:16 - KITTA KAREBA MADECENG

¹⁶ “Baja éléé kira-kira wettu makkuwaéwé, maélo-Ka suro séddi tau polé ri suku Bényamin méwako sita. Lanti'i sibawa upacara amminnyakeng untu' mancaji arung ri umma'-Ku Israélié. Napassalama'i matu umma'-Ku polé ri tau Filistingngé. Uwitani anrasa-rasanna umma'-Ku sibawa méngkalingai terinna mennang méllau tulung.”

1 SAMUEL 9:16 ပူးပေါင်းရင်းမြစ်များ

2 SAMUEL 3:18

Nah, iyanaé kasempatammu. Engngerangngi, pura majjanciwi Puwangnge lao ri Daud, makkedaé Maéloi pakéi Daud untu' passalama'i umma'-Na Israélié polé ri tau Filistingngé sibawa polé ri sininna balinna iya laingngé.”

2 ARUNG-NGARUNG 20:5

lisu ri Hizkia, arunna umma'na Puwangnge, sibawa palettu'i pasengngéwé, “Iyya, Puwang, Allataala iya nasompaé Daud toriyolomu, pura méngkalingai sempajammu sibawa mitai uwai matammu. Maéloka pajjappako; sangadi laono matu ri Bola-Ku.

MAZMUR 102:1

Sempajanna tau manrasa-rasaé iya engkaé ri laleng keadaang malemmaé maddarékéi lao ri Puwangnge.

MAZMUR 106:44

Iyakiya naéngkalingai Puwangnge gorana mennang, Najampangiwi asussanna mennang.

MAZMUR 25:18

Pénessaini anrasa-rasakku sibawa asukkarakekku, sibawa addampengenni sininna dosaku.

AMSAL 16:9

Naullé mébbu rancana tolinoé, iyakiya Allataala pattentui laleng atuwonna.

YEREMIA 32:8

Nainappa pada-pada iya pura napowadaé Puwangnge, poléni Hanameel ri iyya ri seddéna saorajaé, sibawa méllauwi kuwammengngi iyya melliwi tanana. Rimakkuwannanaro mateppe'na tonget-tongengngi Puwangnge pura mabbicara lao ri iyya.

1 SAMUEL 10:1

Nainappa nala Samuél kendi mallise'é minnya zaitun, nanatiri'i iyaro minnya'é ri tompo ulunna Saul, sibawa bauwi Saul nakkedato, “Puwangnge pura lanti'ko mancaji arunna Israélié umma'-Na. Muparéntai matu umma'-Na sibawa linrungiwi mennang polé risining balinna. Iyanaé tanranna lao ri iko makkedaé Puwangnge pura piléko mancaji arunna umma'-Na:

1 SAMUEL 14:20

Nainappa Saul sibawa sining taunna massamang malluru ri onrong ammusurengngé. Naitani mennang kuwaro engka akacaungeng ri yelle'na tau Filistingngé; sigasai mennang sibawa siyuno.

1 SAMUEL 14:23

Mammusui mennang puppu laleng lettu ri Bét-Awen. Puwangnge passalama'i Israélié iyaro essoé.

1 SAMUEL 15:1

Riséwaé esso makkedai Samuél lao ri Saul, “Puwangnge ritu suroka lanti'i Datu mancaji arunna Israélié umma'-Na. Rimakkuwannanaro, sitinajai Datu méngkalingai paréntana Puwang Iya Pommakuwasaé.

1 SAMUEL 16:1

Siyagangngaré wettu rimunrinna makkedani Puwangnge lao ri Samuél, “Siyagapi ittana messé atiko nasaba Saul? Dé'ga na aléna tenriyangakuini selaku arunna Israélié? Makkekkuwangngé, alano minnya zaitun namulao ri Bétléhém, riséddié tau riyasengngé Isai, nasaba sala séddinna polé ri ana'-ana'na purani Upilé mancaji arung.”

1 SAMUEL 16:3

Nainappa muwobbi Isai lao ri upacara akkarobangengngéro. Upowadappo matu aga harusu mupogau'. Tau iya Ujellokengngékko, harusu mulanti mancaji arung.”