1 SAMUEL 9:12 - KITTA KAREBA MADECENG

^12-13 Nappébali iyaro sining ana' daraé, “Iyyé, engkai, silalona joppa poddiyoloiko. Rékko masitta'ko, naullé mullé mupa rapii. Silalona lisu ri kotaé nasaba iya essoéwé ri yasé'na mézbaé ri bulu-bulué engka akkasuwiyangeng akkarobangeng untu' ra'ya'é. Dé' naanré matu sining undangengngé ri wettu dé'napa napolé, nasaba harusu'i barakkakiwi iyaro akkarobangengngé riyolo. Rékko laoko makkekkuwangngé, muruntu'i matu ri wettu dé'napa natuppuiwi bulu-bulué untu' manré.”

1 SAMUEL 9:12 ပူးပေါင်းရင်းမြစ်များ

KAJAJIYANG 31:54

Géréni sikaju olokolo na nakkasuwiyangengngi ri yasé'na bulu-buluéro. Nainappa naundang sining taunna untu' sisama manré. Puranana manré, mabbennini ri bulu-buluéro.

1 TAWARIKH 16:39

Iyakiya Zadok sibawa imang-ngimang laingngé risuroi untu' tette murusu'i assompangngé ri onrong assompangngé ri Gibéon.

1 SAMUEL 10:5

Purairo harusu'ko lao ri bulu-buluna Allataala ri Gibéa, onrong akkémanna tau Filistingngé. Ri sumpang muttama'é ri kotaé, siduppako matu sibawa sirombongang nabi iya nonnoé polé ri bulu-bulu akkarobangengngé. Séré-séréi mennang sibawa gora-gora, maggambusu, marrebana, massuling sibawa makkacapi.

1 SAMUEL 16:2

Iyakiya makkutanai Samuél, “Pékkugika harusu pogau'i? Rékko naéngkalingai Saul gau'éro, pastini naunoka!” Nappébali Puwangnge, “Tiwino sikaju saping lolo, sibawa powadangngi ra'ya'é makkedaé laoko kuwaro untu' makkasuwiyangeng akkarobangeng lao ri Puwangnge.

1 SAMUEL 2:35

Nainappa piléka matu imang iya matinulué ri Iyya sibawa iya pogau'éngngi aga iya Uparéntangngéngngi. Uwéréngngi matu wija-wijanna iya tuli majjamaé matu selaku imang ri yolona arung-ngarung iya Upilé.

1 SAMUEL 20:6

Rékko nakkutangngi ambo'mu magi udé', powdangngi makkedaé puraka méllau paramisi ri iko untu' lisu masitta ri Bétléhém, nasaba ripakangkai kuwaro upacara akkarobangeng pattaungeng untu' sininna kaluwargaku.

1 SAMUEL 7:17

Purairo lisuni ri bolana ri Rama. Kuwaniro mancaji hakinna tau Israélié sibawa patettong towi séddi mézba untu' Puwangnge.