1 SAMUEL 8:7 - KITTA KAREBA MADECENG

⁷ namakkeda Puwangnge, “Palaloni sininna paréllaunna iyaro bangsaé lao ri iko. Saba' tenniya iko nasampéyang mennang, sangadinna Iyya. Dé'na mennang napuwélo-Ka selaku arunna mennang.

1 SAMUEL 8:7 ပူးပေါင်းရင်းမြစ်များ

ASSURENG 16:8

Puwangnge mpérékko matu juku ri arawéngngé, sibawa roti ri éléé gangkammu messo, nasaba naéngkalingani Puwangnge macaiko lao ri Aléna. Sitongenna, rékko macaiko lao ri idi, macaiko lao ri Puwangnge.”

YESAYA 66:4

Rimakkuwannanaro maélo tok-Ka pogau'i siyélo-élo-Ku sibawa pateppangengngi mennang abala-abala iya naétauriyé mennang. Saba' wettuk-Ku mangobbi, dé'gaga mappébali; wettuk-Ku mabbicara, dé'gaga maréngkalinga. Lebbi napojiwi mennang méwa-Ka sibawa pogau'i majaé.”

YEREMIA 34:14

Makkedaka makkedaé sininna ata Ibrani iya puraé mattumani enneng taung ittana, harusu'i ripaleppe ri cappa'na taung mapitué. Iyakiya toriyolomu dé' namaélo puriyatiwi iyaré'ga méngkalingai aga iya Upowadaéro.

YEHEZKIEL 2:3

“Eh tolino dé'é namannennungeng, Usuroko lao risining tau Israél iya maronta'é méwa-Ka. Mennanro tau maronta pada-padato néné-nénéna mennang.

YEHEZKIEL 3:7

Iyakiya bangsa Israélié dé' namaélo méngkalingako, mala muwi Iyya dé'to nabati-batiwi mennang. Matedde ati maneng mennang sibawa napoji méwa.

ABBILANGENG 22:20

Iyaro wennié poléni Allataala ri Biléam sibawa makkeda, “Iyaro sining tauwé poléi untu' méllauko lao silaong mennang. Jaji sadiya-sadiyano untu' lao. Iyakiya iyana mupogau' iya riparéntangngékko.”

MATIUS 10:40

“Tau iya tarimaékko, natarima-Ka. Na tau iya tarimaék-Ka, natarimai iya suroék-Ka.

LUKAS 10:16

Nanakkeda Yésus lao ri ana'-ana' gurun-Na, “Tau iya méngkalingaékko, naéngkalinga-Ka. Tau iya sampéyangngékko, nasampéyang tok-Ka. Sibawa tau iya sampéyangngék-Ka, nasampéyang towi iya suroék-Ka.”

LUKAS 19:14

Iyakiya iyaro pabbanuwana wanuwaé nabenciwi. Jaji labe'nana, kirinni mennang suro untu' powadai, ‘Dé' tamaélo iyaé tauwé mancaji arutta.’

LUKAS 19:27

Namakkekkuwangngé tiwii lao mai sining balikku iya dé'é naéloriwi iyya mancaji arunna. Uno manengngi mennang ri yoloku!’ ”

YOHANES 13:16

Tongeng senna' adak-Kué: Séddié ata dé' nalebbi battowa polé ri puwanna, sibawa séddié suro dé' nalebbi battowa polé ri iya suroéngngi.

HAKING-HAKING 8:23

Nametté Gidéon, “Dé'. Dé' umaélo mancaji pamimpimmu; muwi ana'ku dé'to. Puwangnge ritu pamimpimmu.”

1 SAMUEL 10:19

Purano upaleppe polé ri sininna anrasa-rasangngé sibawa peddié, iyakiya makkekkuwangngé musampéyak-Ka, Allataalamu, nasaba muwéllauwi kuwammengngi Ujellokekko séddi tau arung. Nah, makessinni, addeppungenno ri yolo-Ku, Puwam-mu, situru suku sibawa appammu.’ ”

1 SAMUEL 12:1

Namakkedana Samuél lao ri sininna bangsa Israélié, “Purani upennoi sininna paréllaummu sibawa makkarekko séddi arung.

1 SAMUEL 12:12

Iyakiya wettunna muwita makkedaé maéloko rigasa ri Nahas arung Amon, musampéyangngi Puwangnge selaku arummu sibawa makkeda lao ri iyya, ‘Macinnaki riparénta riséddié arung.’

1 SAMUEL 8:22

Nappébali Puwangnge, “Accowéri bawanni mennang sibawa akkarenni mennang séddi arung.” Nainapa nasuro Samuél sining tauwéro lisu ri bolana tungke'-tungke'.

1 SAMUEL 8:8

Sipongenna mennang Utiwi massu polé ri Maséré, nabbokori-Ka mennang namassompa déwata-déwata, sibawa aga iya nagaukengngékko mennang makkekkuwangngé, iyanaro napogau' mennang lao ri Iyya.