1 SAMUEL 8:6 - KITTA KAREBA MADECENG

⁶ Iyakiya dé' namasennang Samuél sibawa tangngana mennanro. Namassempajang lao ri Puwangnge,

1 SAMUEL 8:6 ပူးပေါင်းရင်းမြစ်များ

MAZMUR 109:4

Nateppuka mennang, namuni uwamaséiwi mennang, sibawa pura massempajangengngi mennang.

ASSURENG 32:21

Makkedani lao ri Harun, “Aga napogau' mennang lao ri iko angkanna muleppessang madosa loppo?”

ASSURENG 32:32

Tennapodo taddampengengngi dosana; rékko dé', leddani asekku polé ri kitta'na sining tau tuwoé.”

HOSEA 13:10

Méllauko arung sibawa pamimping, iyakiya kéga manenni mennang makkekkuwangngé? Naulléga mennang passalama'i ra'ya'mu?

ABBILANGENG 16:15

Macai senna'ni Musa namakkeda lao ri Puwangnge, “Puwang, aja' tatarimai pakkasuwiyanna mennang. Dé' naengka uparogiwi muwi séddi tau polé ri mennang; mala muwi sikaju kaleddé dé'to naengka uwalai polé ri mennang.”

ABBILANGENG 16:22

Iyakiya Musa sibawa Harun suju'i massompa sibawa makkeda, “Oh Allataala, idi ritu iya mabbéré atuwong lao ri sininna iya tuwoé. Rékko banna séddi bawang iya madosaé, macaiki'ga lao ri sininna umma'é?”

ABBILANGENG 16:46

nainappa makkeda Musa lao ri Harun, “Alai onrong apimmu, lisekiwi sibawa bara api polé ri mézbaé sibawa taroiwi dupa ri yasé'na. Tiwii masitta ri umma'é sibawa pogau'i upacara paddampengeng dosaé untu' mennang! Malluwa'-luwa'ni caina Puwangnge sibawa mappammulani saié.”

FILIPI 4:6

Aja mubata-bata passalenna muwi aga. Ri laleng sininna gau'-gau'é, assempajanno sibawa pangoloni paréllaummu ri Allataala. Aga muwapparelluwang, tuli powadai lao ri Allataala ri laleng mattarima kasi.

YAKOBUS 1:5

Rékko engka séddi tau ri yelle'mu iya makurang panré, sitinajai naéllau ri Allataala, na Allataala mpéréngngi matu apanréng ri aléna; saba' lao ri tungke' tau, mabbéréi Allataala sibawa makacuwa enrengngé paressé babuwa.

1 SAMUEL 10:19

Purano upaleppe polé ri sininna anrasa-rasangngé sibawa peddié, iyakiya makkekkuwangngé musampéyak-Ka, Allataalamu, nasaba muwéllauwi kuwammengngi Ujellokekko séddi tau arung. Nah, makessinni, addeppungenno ri yolo-Ku, Puwam-mu, situru suku sibawa appammu.’ ”

1 SAMUEL 12:12

Iyakiya wettunna muwita makkedaé maéloko rigasa ri Nahas arung Amon, musampéyangngi Puwangnge selaku arummu sibawa makkeda lao ri iyya, ‘Macinnaki riparénta riséddié arung.’

1 SAMUEL 12:17

Maéloka mangobbi lao ri Puwangnge, sibawa namuni makkekkuwangngé wettu timo, panonnoi matu Puwangnge guttu sibawa bosi selaku pappébalinna sempajakku. Iyaro wettué, mainge'ko matu pékkugi loppona dosamu lao ri Puwangnge nasaba méllauwi séddi arung.”

1 SAMUEL 12:19

Namakkedana mennang lao ri Samuél, “Tulunni, Bapa', assempajangekki ri Puwang Allataalamu, kuwammengngi aja' tamaté. Mainge'ni makkekkuwangngé makkedaé ri lainnaé dosata riyolo, madosasiki nasaba méllauwi séddi arung.”

1 SAMUEL 12:23

Passalenna aléku, tennapodo aja' narapika madosa lao ri Puwangnge nasaba dé' uwassempajangekko. Sibalé'na matteru tokka matu pagguruwakko gau'-gau' iya makessingngé sibawa tongengngé.

1 SAMUEL 15:11

“Massesse kalé-Ka pura makkai Saul mancaji arung, saba' mabbokoni polé ri Iyya, sibawa dé' napogau'i parénta-Ku.” Messéni Samuél, na puppu benni madaréké lao ri Puwangnge.

1 SAMUEL 7:5

Purairo makkedani Samuél, “Paddeppungenni sininna bangsa Israélié ri Mizpa, namaéloka massempajangekko lao ri Puwangnge.”