1 SAMUEL 8:11 - KITTA KAREBA MADECENG

¹¹ “Mappakkuwiyé matti arummu gaukekko,” mappakkuwaniro Samuél pakatajangngi. “Napassai matu ana'-ana'mu muttama tentara; sibagiyang polé ri mennang selaku pasukang makkaréta, sibagiyang selaku pasukang makkinnyarang, na laingngé selaku pasukang mallaleng.

1 SAMUEL 8:11 ပူးပေါင်းရင်းမြစ်များ

2 SAMUEL 15:1

Purairo napassadiyangenni aléna Absalom séddi karéta musu sibawa anyaranna enrengngé limappulo tau pattinro.

1 ARUNG-NGARUNG 1:5

Nasaba maténi Absalom, na Adonia, ana' worowanéna Daud iya maduwaé mancaji pommacowa. Asenna indo'na iyanaritu Hagit. Adonia iyanaritu tau magello. Dé' naengka nariyacairi ri ambo'na narékko pasalai. Macinna senna'i Adonia mancaji arung, nanapassadiyangenni aléna sijumella karéta musu sibawa tentara makkinnyarang enrengngé limappulo pengawal paribadi.

1 ARUNG-NGARUNG 10:26

Bentu'i Salomo tentara iya polé ri 1.400 karéta musu sibawa 12.000 tentara makkinnyarang. Nataroi si bagiyang ri Yérusalém na lebbinna ri kota-kota laingngé.

1 ARUNG-NGARUNG 12:10

Nappébali mennang, “Mappakkuwaiyé sitinajanna Datu powadangngi mennang, ‘Sillemma-lemmaku, lebbi mawatang mupa naiya ambo'ku!’

1 ARUNG-NGARUNG 12:4

“Salomo ambo'na Datu pura mpérékki tiwi iya matane'é lao ri idi. Makkekkuwangngé rékko naringengiwi Datu tiwita sibawa nakurangiwi anrasa-rasatta, mattumaniki matu lao ri Datu.”

1 ARUNG-NGARUNG 14:27

Selaku passulléna mébbui Arung Réhabéam kaliyawo-kaliyawo gessa, sibawa mappaddettangengngi lao ri parawira-parawira iya mattanggung jawa'é untu' jagaiwi sining sumpanna saorajaé.

1 ARUNG-NGARUNG 18:46

Iyaro wettué lolongenni awatangeng Elia polé ri Puwangnge. Nalulunni jumbana ménré nanasiyoi ri babuwana nainappa lari poddiyoloiwi Ahab puppu laleng lettu ri pintu gerbanna kota Yizreel.

1 SAMUEL 10:25

Nainappa napakatajang Samuél lao ri bangsaéro passalenna ha'na sibawa kewajibanna arungngé, nainappa naoki ri laleng kitta iya nataroé ri onrong iya mapaccingngé. Purairo nasuroni Samuél sininna bangsaéro lisu ri bolana tungke'-tungke'.

1 SAMUEL 14:52

Gangka tuwona tuli mammusui Saul sibawa masero méwai tau Filistingngé. Rimakkuwannanaro, rékko mitai Saul tau mawatang iyaré'ga barani, masitta'i napancaji anggota tentarana.

1 SAMUEL 22:7

makkedani lao ri sininna parawiranaro, “Engkalingai, éh sining tau Bényamingngé! Aga iyaro Daud maéloi mpérékko dare sibawa palla anggoro? Aga nakka manekko matu mancaji parawira ri laleng tentarana?

1 SAMUEL 8:9

Rimakkuwannanaro tarimani paréllaunna mennang; iyakiya paréngngerangiwi mennang sibawa tonget-tongeng, sibawa paissengiwi pékkugi mennang matti rigaukeng ri arungngé.”