1 SAMUEL 7:6 - KITTA KAREBA MADECENG

⁶ Namaddeppungeng manenna mennang ri Mizpa. Séro'ni mennang uwai nainappa natiri selaku pakkasuwiyang lao ri Puwangnge, nainappa mennang mappuwasa puppu essoéro. Nakkedana mennang, “Madosani lao ri Puwangnge.” (Ri Mizpa ritu Samuél mappammula pettuiwi parakara-parakara assisalanna tau Israélié.)

1 SAMUEL 7:6 ပူးပေါင်းရင်းမြစ်များ

KAJAJIYANG 31:49

Makkeda towi Laban, “Tennapodo Puwangnge jagaiki ri wettu tuwota sibélang.” Rimakkuwannanaro iyaro onrongngé riyaseng towi Mizpa.

2 SAMUEL 14:14

Maté manekki matu; idi'é pada-padaki uwai iya tuppa'é ri tanaé nadé'na nawedding ripaddeppungeng paimeng. Muwi Allataala dé'tona napatuwoi matu paimeng tau iya matéénna; rimakkuwannanaro sitinajai Puwakku makkuraga kuwammengngi tau ripalié weddingngi lisu paimeng.

1 ARUNG-NGARUNG 8:47

tennapodo Muwéngkalingai sempajanna mennang. Rékko ri wanuwaéro nasalaiwi dosa-dosana, sibawa massempajang lao ri Iko nanangakui towi makkedaé madosani mennang sibawa pogau'i majaé, éngkalingai sempajanna, oh Puwang.

1 TAWARIKH 11:18

Naéngkalinganaro, iya tellu parawiraéro bettui akkémanna tau Filistingngé nanaséro uwai polé ri bujungngéro, nainappa natiwi lao ri Daud. Iyakiya dé' namaélo Daud ménungngi, mala natiri'i selaku pakkasuwiyang lao ri Puwangnge.

2 TAWARIKH 20:3

Namétauna Yosafat nainappa massempajang méllau panunju polé ri Puwangnge. Nainappa napparéntang kuwammengngi nappuwasa sininna ra'ya'é.

NEHEMIA 9:27

na-Muwabbéréyangngi mennang lao ri balinna iya nasibawangngé apéddarang makuwasaiwi sibawa tenre'i. Iyakiya ri laleng asussang iya patenre'é, mangobbii mennang lao ri Iko méllau bantuwang. Polé ri surugaé Muwéngkalingai; nasibawang pammasé Mubaliwi. Kirik-Ko pamimping sibawa pabbarani iya paleppe'éngngi mennang polé ri balié.

AYUB 16:20

Naéllékéllé'ka sellao-sellaoku sibawa nacawa-cawai; mangoloka ri Allataala méllau bantuwang uterito.

AYUB 3:24

Passullé manré maddarékéka, dé' appésaunna maddararing.

AYUB 33:27

Na ri yolona tau maégaé makkedai matu, ‘Iya majaé uwangga'i makessing, battowai dosaku, iyakiya Allataala dé' nahukkukka.’

AYUB 42:6

Rimakkuwannanaro masirika méngngerangngi sininna ada-adakku nanasibawang sessekalé tudakka ri laleng awué.”

MAZMUR 106:6

Purani madosa pada-pada toriyolota; purani pogau'i majaé sibawa madoraka.

MAZMUR 119:136

Massolo'i uwai matakku pada-pada saloé, nasaba dé' nariturusi hukkum-Mu.

MAZMUR 42:3

Uwuddaningiwi Allataala iya tuwoé, uppanna weddikka lao massompa ri Bola-Na?

MAZMUR 6:6

Saba' ri laleng amaténgngé dé'na nariyéngngerak-Ko; dé' gaga iya pojiyék-Ko ri linona tau maté.

MAZMUR 62:8

Aléna ritu Allataala iya mpéréngngékka asalamakeng sibawa alebbireng, Aléna ritu pallinrukku sibawa pangéwaingekku iya mawatangngé.

YEREMIA 31:19

Purani mabbokori-Ko, iyakiya iyaro pangkaukengngé risesse'ni. Puranana Muhukkukki, cannunnuni ulutta nasaba messéi. Masiriki sibawa mancaji matuna nasaba purani madosa ri wettu malolota.’

YEREMIA 36:9

Ri uleng maaséraé taung malimaé apparéntanna Yoyakim arunna Yéhuda, mappuwasani ra'ya'é untu' lolongengngi paressé babuwa polé ri Puwangnge. Pabbanuwana Yérusalém sibawa sining tau iya polé ri kota-kotana Yéhuda, mappuwasa manenni.

YEREMIA 9:1

Temmaka kessinna rékko ulukku pada-padai bujung iya pennoé uwai, sibawa matakku jompi iya matterué massolo! Nauwulléi teri esso sibawa wenni, watingiwi sining tau sibangsaku iya riyunoé ri balié.

AWATINGENG 2:11

Boro matakku nasaba teri temmappésau, maddéké-rékéi nyawaku dé' padanna. Ancuru atikku mitai aruttungenna bangsaé; mitai ana'-ana'é nenniya ana'loloé marenne ri lalel-lalenna kotaé.

AWATINGENG 3:49

Maéloka teri temmappésau,

AWATINGENG 5:16

Dé'ni gaga abangkaketta, macilakaki nasaba madosaki.

YEHEZKIEL 20:4

“Eh tolino dé'é namannennungeng, sadiyanoga madélékiwi mennang? Nah, pogau'ni! Paréngngerangiwi mennang sininna atunang iya puraé napogau' néné-nénéna.

HOSEA 5:1

Makkedai Puwangnge, “Engkalingai, éh sining imangngé! Pénessaiwi, éh tau Israélié! Engkalingai, éh sining tau wijanna arungngé! Purani ripateppa pahukkungengngé ri yasé'mu. Saba', sitongenna harusu'ko mangadélé sibawa adélé, iyakiya sibalé'na mancajiko pada-pada jebba'é ri Mizpa, pada-pada siyo-siyoé ri Bulu Tabor,

YOEL 2:12

Makkedai Puwangnge, “Iyakiya makkekkuwangngéwé, lisuno ri Iyya sibawa sukku ati, sibawa mappuwasa, mpating nenniya teri.

ANGIMANGENG 16:29

Iyaé sining peraturangngé harusu'i riturusi lettu mannennungeng. Ri tanggala seppulona uleng pitu, tau Israélié sibawa tau laing iya mattette'é ri yelle'na mennang harusu'i mappuwasa sibawa riyattéyangngi mappallaung, nasaba iyaro essoé mapaccing senna'i. Ri essoéro harusu'i ripakangka upacara untu' pépaccingiwi bangsa Israélié polé risininna dosana mennang kuwammengngi namapaccing.

ANGIMANGENG 26:40

Iyakiya nangakuiwi matu wija-wijammu dosana mennang sibawa dosana néné-nénéna iya puraé méwa-Ka sibawa maronta lao ri Iyya,

LUKAS 15:18

Maéloka joppa lao ri ambo'ku sibawa makkeda ri aléna: Ambo', madosaka lao ri Allataala sibawa ri Ambo'.

HAKING-HAKING 10:10

Namangobbi umma Israélié lao Puwangnge, adanna, “Madosaki lao ri Iko, nasaba dé' narijampangi-Ko, oh Allataala. Massompaki déwata-déwata Baal.”

HAKING-HAKING 10:15

Iyakiya makkedai umma Israélié lao ri Puwangnge, “Madosaki Puwang. Pogau'ni agi-agi iya Mupuwéloé, assaleng Mutulung muki iyaé essoé.”

HAKING-HAKING 2:4

Puranana napalettu iyaro malaéka'é iyaro karébaé, teri manenni bangsa Israélié sibawa maladde.

HAKING-HAKING 20:26

Nalaosi umma Israélié ri Bétel sibawa teri lao ri Puwangnge. Mappuwasani mennang kuwaro narapi wenni sibawa makkasuwiyangeng akkarobangeng ritunu lao ri Puwangnge.

HAKING-HAKING 3:10

Rikuwasaini Otniél ri Rohna Puwangnge angkanna mancaji pamimpinna umma Israélié. Laoni mammusu, nariwérénna ri Puwangnge apakalang lao ri arung Mésopotamia.

1 SAMUEL 1:15

Iyakiya mappébaliwi Hana, “Dé' umabo', Pa', dé' sises-siseng uwénung uwai anggoro! Pettu paddennuwakka, sibawa mattengngang massempajang curitai sininna apeddirekku lao ri Puwangnge.

1 SAMUEL 10:17

Nanaobbini Samuél ra'ya' Israélié kuwammengngi naddeppungeng ri Mizpa,

1 SAMUEL 12:10

Nainappa mennang massempajang lao ri Puwangnge sibawa mangakuiwi dosana; adanna mennang, ‘Madosani nasaba mabbokori-Ko, oh Puwang, sibawa massompa dato-dato Déwa Baal sibawa Asytorét. Iyakiya makkekkuwangngé, passalama'ki polé ri balitta, natamattumani lao ri Iko!’

1 SAMUEL 7:15

Naparéntani Samuél Israélié gangka maténa.