1 SAMUEL 7:2 - KITTA KAREBA MADECENG

² Maittato iyaro Petti Assijancinna Puwangnge monro ri Kiryat-Yéarim, kira-kira duwappulo taung. Ri lalenna wettuéro sininna umma Israélié mangobbii lao ri Puwangnge méllau tulung.

1 SAMUEL 7:2 ပူးပေါင်းရင်းမြစ်များ

1 TAWARIKH 13:3

Nainappaki lao malai Petti Assijancinna Allataala, iya puraé naleppessang kariya-riya ri wettu apparéntanna Arung Saul.”

1 TAWARIKH 13:5

Nanapaddeppungenni Daud ra'ya' Israélié ri sininna wanuwaé, polé ri pakkasésénna Maséré ri yattang lettu ri Laleng Hamat ri manorang, untu' malai Petti Assijancingngéro polé ri Kiryat-Yéarim sibawa tiwii lao ri Yérusalém.

YEREMIA 26:20

Engkato naengka séddi tau laing mabbicara méwai kotaé sibawa bangsaéwé ri laleng asenna Puwangnge, pada-pada iya upogau'é. Iyaro tauwé riyasengngi Uria ana' Sémaya polé ri Kiryat-Yéarim.

YEREMIA 3:13

Angakui bawanni makkedaé pasalako sibawa purano maronta lao ri Puwangnge, Allataalamu. Angakuini makkedaé ri yawana tungke aju maworongngé purani muwabbéréyang pappojimmu lao ri déwata-déwatana bangsa laingngé, sibawa dé' muturusiwi parénta-parénta-Ku. Iyya, Puwang pura mabbicara.”

YEREMIA 31:9

Joppai mennang sibawa mabbarébé uwai matanna, Usaléwori sibawa Upimping mennang. Utiwii mennang molai onrong-ngonrong iya maégaé uwaina, molai laleng malappaé ri onrong iya dé'é natabbuttu matu mennang. Untu' Israélié, samannaka Iyya ambo'; Efraim iyanaritu ana' worowané-Ku macowaé.”

MATIUS 5:4

Masennangngi tau iya messé atié; risaléworiwi matu mennang ri Allataala!

HAKING-HAKING 2:4

Puranana napalettu iyaro malaéka'é iyaro karébaé, teri manenni bangsa Israélié sibawa maladde.

1 SAMUEL 7:1

Nanalani pabbanuwana Kiryat-Yéarim iyaro Petti Assijancinna Puwangnge nanatiwii ri lalempolana tau iya riyasengngé Abinadab; iyaro bolaé engkai ri tompo'na bulu-bulué. Nainappa mennang nalanti Eléazar ana' Abinadab, untu' monrowangngi iyaro Petti Assijancingngé.

1 SAMUEL 7:3

Namakkedana Samuél lao ri umma Israélié, “Rékko maéloko lisu ri Puwangnge nenniya sompai Aléna sibawa sukku atimmu, harusu'ko mabbéyangngi sininna déwata laingngé sibawa dato'-dato'na Déwi Asytorét. Abbéréyang sisengngi alému lao ri Puwangnge sibawa massompa ri Aléna bawang, nanapaleppe'ko matu polé ri tau Filistingngé.”