1 SAMUEL 7:17 - KITTA KAREBA MADECENG

¹⁷ Purairo lisuni ri bolana ri Rama. Kuwaniro mancaji hakinna tau Israélié sibawa patettong towi séddi mézba untu' Puwangnge.

1 SAMUEL 7:17 ပူးပေါင်းရင်းမြစ်များ

KAJAJIYANG 33:20

Nainappa patettong mézba kuwaro sibawa masengngi “El, Allataala Israélié”.

KAJAJIYANG 35:7

Kuwaniro Yakub patettong mézba sibawa masengngi iyaro onrongngé “El-Bétel”, nasaba Allataala pura mappaitang alé lao ri aléna kuwaro wettunna lari polé ri kakana.

YESAYA 10:29

Naliwenni mennang alléttongngé sibawa mabbenni ri Géba! Ténréni pabbanuwana kota Rama, sibawa pabbanuwana Gibéa, kotana Arung Saul, larini.

HAKING-HAKING 4:5

Débora biyasai tudang ri yawana pong karomaé, ri pallawangenna Rama sibawa Bétel, ri daéra buluna Efraim. Na kuwaniro lao sining tau Israélié untu' méllau pangaja ri aléna.

HAKING-HAKING 6:24

Nanapatettonni Gidéon séddi mézba kuwaro sibawa masengngi “Puwangnge Assalenna Asaléwangengngé”. Iyaro mézbaé engka mupi ri Ofra, iyanaritu kotana tau Abiézer.

1 SAMUEL 1:1

Engka séddi tau worowané, asenna Elkana, polé ri suku Efraim. Monroi ri kota Rama, ri daéra buluna Efraim. Elkana iyanaritu ana'na Yéroham sibawa eppona Elihu. Muttama'i kaluwargana Tohu, takkéna polé ri appanna Zuf.

1 SAMUEL 1:19

Pappa bajanana maéléni Elkana sibawa kaluwargana moto, napuranana massompa ri Puwangnge, lisuni mennang ri Rama. Nanasilurenna Elkana sibawa Hana, bainénaro, na Puwangnge tarimai sempajanna Hana.

1 SAMUEL 11:15

Makkuwaniro mennang lao maneng ri Gilgal, na ri onrong assompangngéro rirésmikang Saul selaku arung. Makkasuwiyangenni mennang akkarobangeng pappasidamé, na Saul sibawa sininna bangsa Israélié ramé-raméiwi iyaro kajajiyangngé.

1 SAMUEL 14:35

Napatettonna Saul mézba untu' Puwangnge; iyanaro mézba mammulang iya napatettongngé.

1 SAMUEL 15:34

Purairo laoni Samuél ri Rama, na Arung Saul lisuni ri bolana ri Gibéa.

1 SAMUEL 2:11

Nanalisuna Elkana sibawa kaluwargana ri Rama, iyakiya Samuél, ana'éro, monroi ri Silo sibawa tumaningiwi Puwangnge ri yawa pajjagana Imang Eli.

1 SAMUEL 28:3

Maténi Samuél sibawa riwatingi ri sininna Israélié enrengngé ritampung ri Rama, kotana muto. Siyagangngaré wettu iya labe'é purani ripaddésu ri Saul polé ri Israélié sininna pappalakiyaé sibawa pangobbi waliyalaé.

1 SAMUEL 8:4

Rimakkuwannanaro maddeppungenni sininna pamimping Israélié, nainappa mangolo ri Samuél ri Rama,

1 SAMUEL 9:12

Nappébali iyaro sining ana' daraé, “Iyyé, engkai, silalona joppa poddiyoloiko. Rékko masitta'ko, naullé mullé mupa rapii. Silalona lisu ri kotaé nasaba iya essoéwé ri yasé'na mézbaé ri bulu-bulué engka akkasuwiyangeng akkarobangeng untu' ra'ya'é. Dé' naanré matu sining undangengngé ri wettu dé'napa napolé, nasaba harusu'i barakkakiwi iyaro akkarobangengngé riyolo. Rékko laoko makkekkuwangngé, muruntu'i matu ri wettu dé'napa natuppuiwi bulu-bulué untu' manré.”