1 SAMUEL 7:12 - KITTA KAREBA MADECENG

¹² Purairo patettonni Samuél séddi batu, ri pakkasésénna Mizpa sibawa Sén. Makkedai, “Sukku Puwangnge pura tulukki.” – nainappa naseng iyaro batué “Batu Pattulung”.

1 SAMUEL 7:12 ပူးပေါင်းရင်းမြစ်များ

KAJAJIYANG 22:14

Nasenni Abraham iyaro onrongngé “Puwangnge passadiyai iya riyapparelluwangngé”. Nalettu makkekkuwangngé makkedai tauwé “Ri yasé'na buluna Puwangnge passadiyai iya riyapparelluwangngé”.

KAJAJIYANG 35:14

Ri onronna Allataala mabbicara lao ri Yakub, napatettonni séddi batu papparéngngerang. Nainappa iyaro batué nakkasuwiyangeng lao ri Allataala ri laleng nabolona anggoro sibawa minnya zaitun ri yasé'na.

MAZMUR 71:17

Oh Allataala, Mupagguruka sipongeng maloloku, lettu makkekkuwangngé ucuritai winru-Mu iya mappabengngaé.

MAZMUR 71:6

Sipongeng tuwoku sanréka ri Iko; Mulinrungika sipongekku jaji natuli upoji-Ko.

ASSURENG 17:15

Nanapatettonna Musa séddi mézba sibawa masengngi “Puwangnge iyanaritu Bandéraku”.

YESAYA 19:19

Ri wettuéro ri tengnga-tengngana wanuwa Maséré engka matu séddi mézba untu' Puwangnge, sibawa ri pakkasésénna séddi alliri batu iya ripallaingngé untu' Puwangnge.

RIWAYA'NA RASUL-RASUL-E 26:22

Iyakiya lettu iya essoéwé nalinrungika Allataala, angkakku weddikka tettong kuwaé mabbéréyangngi asabbiyakku lao ri sininna tauwé – battowa iyaré'ga baiccu. Aga iya upowadaéwé dé' nasilaingeng naiya puraé naboto nabi-nabié sibawa Musa;

2 KORINTUS 1:10

Iyanaritu iya puraé passalama'ki polé ri abala amaténg iya battowaéro. Sibawa Aléna ritu matu passalama'ki matti ri esso-esso rimunri, saba' ri Alénaki mamménasa.

YOSUA 4:9

Ri tengnga-tengnganato Yordanro, lappo toni Yosua seppulo duwa batu persis ri onrong natettongiyé sining imang iya mpulééngngi Petti Assijancingngéro. (Iyaro batu-batué engka mupi kuwaro lettu makkekkuwangngé.)

1 SAMUEL 14:35

Napatettonna Saul mézba untu' Puwangnge; iyanaro mézba mammulang iya napatettongngé.

1 SAMUEL 4:1

Iyaro wettué napangarani tau Filistingngé sininna tentarana untu' gasai Israélié; rimakkuwannanaro majuni tentara Israélié ri ammusurengngé; makkémani mennang ri seddéna Ebén Haézer, na tentara Filistingngé makkémai ri Afék.

1 SAMUEL 5:1

Nasittainnana tau Filistingngé Petti Assijancinna Allataala, natiwini mennang polé ri Eben-Haézer lao ri kotana mennang, Asdod.

1 SAMUEL 7:11

Massuni tentara Israélié polé ri Mizpa nanalellungngi iyaro tau Filistingngé nawéki sibbéla Bét-Kar, sibawa mancuru'i mennang.