1 SAMUEL 7:10 - KITTA KAREBA MADECENG

¹⁰ Wettunna Samuél mattengngang makkasuwiyang akkarobangeng ritunuéro, mammulani maggasa tau Filistingngé; iyakiya nasitujuwangngi iyaro wettué magguttui Puwangnge polé ri langié ri yasé'na mennang. Nakacauna mennang angkanna lari alippuwang.

1 SAMUEL 7:10 ပူးပေါင်းရင်းမြစ်များ

MAZMUR 18:15

Nattémbakengngi sining pana-Na sibawa patassiya-siyai balié; Nassarampakengngi billa'é makkolik-koling, naébbui mennang lari.

MAZMUR 29:3

Allataala iya marajaé magguttui ri tompo'na tasi'é, maddaremmengngi saddan-Na ri tompo'na dolangengngé.

MAZMUR 29:4

Riyéngkalingai saddanna Puwangnge, pennoi akuwasang sibawa agaggang.

MAZMUR 78:66

Napasoroi balin-Na, sibawa caui mennang untu' mannennungeng.

ZAKHARIA 4:6

Iyaro malaéka'é nasuroka palettu'i lao ri Zérubabél pasenna Puwang-ngéwé, “Tenniya nasibawang awatangeng tentara sibawa tenniyato nasibawang awatangeng riyalé mumallolongeng matu, sangadinna nasibawang Roh-Ku.

ULANGENG 28:7

Rékko rigasako, Puwangnge matu caui balimmu. Nagasako matu mennang secara taratoro', iyakiya lariwi sibawa tassiya-siya.

YOSUA 10:10

Puwangnge mébbui sining tau Amorié dé' naissengengngi aléna wettunna naita tentara Israélié. Maéga tau Amori riyuno ri Gibéon, naiya tuwoé mupa rilellunni turungiwi émpenna bulué ri Bét-Horon narapi sibbéla Azéka sibawa Makéda ri seddé yattang.

HAKING-HAKING 4:15

nanagasai Siséra. Na Puwangnge pakacaui sininna tentarana Siséra sibawa karéta-karéta musuna, angkanna nonno Siséra polé ri karétana, nanalari.

HAKING-HAKING 5:20

Sining wéttowingngé maccowéto méwai Siséra, polé ri onrong accennérenna ri bitaraé.

HAKING-HAKING 5:8

Wettunna Israél mammula massompa déwata, poléni musué ri wanuwanna mennang; ri yelle'na 40.000 pahlawang bangsa, dé' muwi séddi tau makka senjata.

1 SAMUEL 12:17

Maéloka mangobbi lao ri Puwangnge, sibawa namuni makkekkuwangngé wettu timo, panonnoi matu Puwangnge guttu sibawa bosi selaku pappébalinna sempajakku. Iyaro wettué, mainge'ko matu pékkugi loppona dosamu lao ri Puwangnge nasaba méllauwi séddi arung.”

1 SAMUEL 14:15

Iyaro kajajiyangngé pawéwangngi tau Filistingngé ri akkémangngé sibawa risining padangngé. Sininna ra'ya' Filistingngé sibawa pos-pos jagangngé enrengngé rombongang-rombongang parampo'é métauni; mala mpéwang tanaé, sibawa kajajiyanni arukkang iya maseroé.

1 SAMUEL 2:10

Sining balinna Puwangnge ancuru'i maccabbu, métaui mennang; polé ri langié Aléna magguttu. Puwangnge maélo madéléki sininna linoéwé, sibawa mabbéré akuwasang iya malebbié lao ri arung iya Napilé.”

1 SAMUEL 7:11

Massuni tentara Israélié polé ri Mizpa nanalellungngi iyaro tau Filistingngé nawéki sibbéla Bét-Kar, sibawa mancuru'i mennang.