1 SAMUEL 6:9 - KITTA KAREBA MADECENG

⁹ Pénessaiwi lalenna; rékko iyaro Petti Assijancingngé natiwii mattuju ri wanuwanna muto, iyanaritu kota Bét-Sémes, iyaro bettuwanna makkedaé Allataalana tau Israélié ritu pura papolé acilakang iya maseroéro lao ri idi. Iyakiya rékko iyaro padatié dé' nattuju kuwaro, taissenni matu makkedaé tenniya polé ri Allataalana Israélié, sangadinna nasitujuwammi bawang.”

1 SAMUEL 6:9 ပူးပေါင်းရင်းမြစ်များ

2 SAMUEL 1:6

Pappébalinna, “Nasitujuwangngi engkaka ri Bulu Gilboa, nanasanré Saul ri bessinna, na karéta-karéta sibawa tentara makkinnyaranna balié, maddeppéni maélo keppungngi.

2 TAWARIKH 25:21

Rimakkuwannanaro joppani Yoas sibawa ana' buwana lao ri Bét-Sémes namammusu sibawa Amazia kuwaro.

ASSURENG 8:15

Wettunna naita arungngé makkedaé iyaro sining cuppangngé maténi, matedde atini. Napada-pada iya pura napowadaé Puwangnge, dé' namaélo arungngé bati-batiwi ada-adanna Musa sibawa Harun.

PAKKATOBBA 9:11

Ri linoéwé engka mupa uwita: akkalaringngé dé' natuli pakala tau iya magattié, ammusurengngé dé' natuli pacau tau iya mawatangngé. Tau mapanré dé' natuli lolongeng assappa-sappareng. Sibawa tau iya maccaé dé' natuli mallolongeng asugireng. Makkuwatoro sining ahlié dé' natuli tarompo. Saba dé' masala weddingngi nakenna acilakang.

YESAYA 26:11

Puwang, sadiyano hukkungngi balim-Mu, iyakiya dé' naissengngi mennang. Leppessangngi mennang masiri senna mitai pammasé-Mu untu' umma'-Mu. Leppessangngi mennang cappu ancuru polé ri pahukkungeng iya Mupassadiyangengngéngngi mennang.

AMOS 3:6

Dé'ga naténré tauwé ri kotaé rékko méngkalingai oni tarompé tanrang ammusureng? Makkulléga séddié kota nakenna abala, rékko dé' nakiringngi Puwangnge?

LUKAS 10:31

Nasitujuwangngi séddi imang lalo towi ri lalengngé. Wettunna naita iyaro tauwé, lésséni nainappa joppa matteru.

YOSUA 15:10

sibawa mattulilingiwi bagiyang yajanna Baala mattuju ri buluna Edom, nainappa matteru lao ri bagiyang manoranna Bulu Yéarim (iyanaritu Bulu Késalon), sibawa nonno ri Bét-Sémes, nainappa matteru ri Timna.

1 SAMUEL 6:10

Turuni iyaro sining tauwé; malani mennang duwakkaju saping iya mappasusué mupa, nainappa napasang ri padatié, ana'-ana'na iyaro sapingngé naurungngi ri laleng wakkéé.

1 SAMUEL 6:12

Iyaro sapingngé joppani matteru mattuju ri Bét-Sémes; iyaro olokolo'é mangnguwa'ni najoppato matteru, telléssé ri abéyo iyaré'ga ri atau polé ri watattanaé. Iya lima arung Filistingngéro matteruni maccowéri lettu ri pakkasésénna Bét-Sémes.

1 SAMUEL 6:3

Nappébali mennang, “Iyaro Petti Assijancinna Allataalana Israélié aja' mupalisui makkuwaro bawang, iyakiya harusu'i nasibawang hadiya untu' pakkamaja dosamu. Nanallalengiwiro naripajjapako matu, sibawa muwissengngi matu magi iyaro Allataalana Israélié natteru-teru hukkukko.”