1 SAMUEL 6:6 - KITTA KAREBA MADECENG

⁶ Aga gunana matedde atiko pada-pada arungngé sibawa tau Maséré'é riyolo? Aja' muwallupai pékkugi Allataala macculé-culéiwi mennang, angkanna mennang toba nanaleppengngi iyaro tau Israélié salaiwi Maséré.

1 SAMUEL 6:6 ပူးပေါင်းရင်းမြစ်များ

AYUB 9:4

Mapanré senna Allataala sibawa makuwasa; niga mulléi tahang méwai Aléna?

MAZMUR 95:8

“Aja' tamatedde ati pada-pada toriyolomu ri Mériba, pada-pada wettunna mennang ri Masa, ri padang kessi'é.

ASSURENG 10:3

Nanalaona Musa sibawa Harun mangolo ri arungngé sibawa makkeda lao ri aléna, “Makkedai Puwang, Allataalana bangsa Ibranié, ‘Gangka kégiko dé' mumaélo tunru lao ri Iyya? Leppessangngi umma'-Ku lao, kuwammengngi weddingngi mennang massompa ri Iyya.

ASSURENG 14:17

Upancajiwi matu tau Maséré'é matedde ati angkanna matterui matu lellungngi tau Israélié, na-Uwappaitangngi matu akuwasak-Ku lao ri arung Maséré, pasukanna, karéta-karétana sibawa sining tonangiyéngngi.

ASSURENG 14:23

Tau Maséré'é sibawa sininna anyaranna, karétana sibawa tonangiyéngngi mallellungngi matteru sibawa maccowériwi tau Israélié ri tengnga tasi.

ASSURENG 4:21

Makkedani Puwangnge lao ri Musa, “Purano uwéréng akuwasang untu' mébbu sining anu makalallaingngé. Jaji rékko lisuno ri Maséré matti, pogau'ni sininna anu makalallaingngéro ri yolona arung Maséré. Iyakiya upancajiwi matu matedde ati, angkanna dé' namaélo palaloi iyaro bangsaé lao.

ASSURENG 7:13

Namuni makkuwaro, tette'i arungngé matedde ati sibawa dé' namaélo bati-batiwi ada-adanna Musa sibawa Harun, pada-pada iya pura napowadaé Puwangnge.

ASSURENG 7:14

Nainappa makkeda Puwangnge lao ri Musa, “Iyaro arungngé matedde ati senna; dé' namaélo palaloi bangsa Israélié lao.

ASSURENG 8:15

Wettunna naita arungngé makkedaé iyaro sining cuppangngé maténi, matedde atini. Napada-pada iya pura napowadaé Puwangnge, dé' namaélo arungngé bati-batiwi ada-adanna Musa sibawa Harun.

ASSURENG 8:32

Iyakiya iyaé sisengngé matedde ati mupi arungngé sibawa dé' namaélo palaloi iyaro bangsa Israélié lao.

ASSURENG 9:16

Iyakiya Uleppessakko tuwo kuwammengngi weddik-Ka mappaitangngi akuwasak-Ku lao ri iko, angkanna tarompo asek-Ku ri sininna linoé.

ASSURENG 9:34

Wettunna naita arungngé aga iya kajajiyangngé, madosasi paimeng. Aléna sibawa sining pejaba'na tette'i matedde ati.

ROMA 2:5

Iyakiya matedde atiko sibawa dé' mumaélo tappinra. Rimakkuwannanaro alému muto mébbui pahukkungemmu pédé' tattamba tane'na ri Esso Kiyame', rékko nappaitanni caina Allataala sibawa patatteppai pahukkungemmu iya adélé'é.

IBRANI 3:13

Jaji, kuwammengngi nadé' muwi séddi tau polé ri yelle'mu iya ribengnguwangngé ri dosaé angkanna naéwai Allataala, sitinajako sipangajari esso-esso ri wettu tuwota mupa ri laleng wettu iya riteppué “Essoéwé” ri laleng Kitta'é.