1 SAMUEL 6:5 - KITTA KAREBA MADECENG

⁵ Jaji, harusu'ko mébbu pada-padanna polé ri lettal-lettangngé sibawa balawo iya majjallo'é ri wanuwammu. Nanallalengiwiro mupakallebbii Allataalana Israélié. Naullé mappésauwi matu hukkukko, silaong déwata-déwatamu enrengngé tanamu.

1 SAMUEL 6:5 ပူးပေါင်းရင်းမြစ်များ

1 TAWARIKH 16:28

Pojiwi Puwangnge, éh rupatauwé! Pojiwi araja-awatangenna.

1 TAWARIKH 16:29

Pojiwi asen-Na iya malebbié, sibawa tiwino akkarobangeng ri lalempola-Na. Sompani Puwangnge sibawa mappakéyang assompang!

MAZMUR 18:44

Mupaleppe'ka polé ri appang iya madorakaé, Namupancajika panguwasana bangsa-bangsaé; bangsa iya dé'é uwissengngi mancajiwi atakku.

MAZMUR 32:4

Esso wenni Iko natenre'ka, Puwang, cappu awatangekku pada-pada nattemmekiyé tire mata esso.

MAZMUR 39:10

Mammekkoka sibawa dé' natattimpa bawaku, saba' Iko ritu majara'ka.

MAZMUR 66:3

Powadani lao ri Allataala, “Mappabengnga tongeng pangkaukem-Mu! Tunru'i balié ri Iko penno amétaureng, saba' battowa senna akuwasam-Mu.

ASSURENG 12:12

Iyaro wennié maélo-Ka jalajja'i sininna tana Maséré, sibawa mpunoi tungke' ana' worowané macowaé, muwi tolino, iyaré'ga olokolo. Maélo-Ka hukkungngi sininna déwataé ri Maséré, nasaba Iyya'na Puwang.

ASSURENG 8:17

Nanaunruni Harun tanaé sibawa tekkenna, nasininna awué ri Maséré tappinrani mancaji namo iya katulungngéngngi tauwé sibawa olokolo'é.

ASSURENG 8:24

Papoléni Puwangnge lale iya maéga senna'é ri saorajana arungngé sibawa ri bolana sining pejaba'é. Sininna wanuwa Maséré manrasa-rasa senna'ni nasaba iyaro lale'é.

ASSURENG 8:5

Makkedai Puwangnge lao ri Musa, “Suroi Harun makkajuwangngi tekkenna ri yasé'na sining salo'e, sépe'-sépe'é sibawa sining kolangngé kuwammengngi napada cumpa cuppangngé sibawa pennoiwi tana Maséré.”

YESAYA 19:1

Iyanaé pasenna passalenna Maséré. Laowi Puwangnge ri Maséré tonangi ellung iya magattié. Ténré barahala-barahala Maséré'é ri yolo-Na sibawa marenni ati tau Maséré'é.

YESAYA 42:12

Makessingengngi mennang pakarajai Puwangnge, sibawa pakalabbai ri wanuwa-wanuwa mabélaé.

YEREMIA 13:16

Puwang Allataalamu harusu mupakaraja ri wettu dé'napa Napapoléi pettangngé, sibawa ajému tabbuttu ri bulué, ri wettu dé'napa tajang iya muwaddennuwangiyé Napinra mancaji akalemmengeng.

YEREMIA 3:13

Angakui bawanni makkedaé pasalako sibawa purano maronta lao ri Puwangnge, Allataalamu. Angakuini makkedaé ri yawana tungke aju maworongngé purani muwabbéréyang pappojimmu lao ri déwata-déwatana bangsa laingngé, sibawa dé' muturusiwi parénta-parénta-Ku. Iyya, Puwang pura mabbicara.”

YOEL 2:25

Usulléiwi matu sininna arogimmu ri taut-taung wettunna incalé manréi wassélé éngngalammu. Saba' Iyya ritu kiringngi pasukang incaléro lao ri iko.

YUNUS 3:9

Naullé napinrai matu niya'na Allataala sibawa dé'na namacai angkanna dé' tajaji binasa!”

MALEAKHI 2:2

Pakalebbi-Ka sibawa pangkaukemmu. Rékko dé' mumaélo méngkalingai ada-adak-Ku, Utanroiko matu. Sininna iya mutarimaé selaku dallé tappinrai matu mancari tanro. Sitongenna, sininna iya makessingngé purani Utanroi, nasaba dé' mubati-batiwi parénta-Ku.

ABBILANGENG 33:4

iya mattengngangngé kuburu'i ana'-ana' macowana mennang iya puraé nauno Puwangnge. Nasibawang pangkaukengngéro, napabuttiwi Puwangnge makkedaé lebbi watangngi naiya déwata-déwata Maséré'é.

YOHANES 9:24

Nainappa naobbisi tau iya butaé onna'ro, nakkeda ri tauwéro, “Attanroko makkedaé makkedako matu iya tongengngé. Riisseng iyaro tauwé tau madosa.”

YOSUA 7:19

Nakkeda Yosua lao ri Akhan, “Ana'ku, akuini sibawa powadani terus terang kuwaé ri yolona Puwangnge, Allataalana Israélié, aga pura mupogau'. Paissengika, aja' musubbui.”

WAHYU 11:13

Na iyaro wettué kajajiyanni mpéwang tanaé iya maseroé. Tawa seppulona bagiyanna polé ri kotaéro ancuru', sibawa pitussebbu tau maté nasaba iyaro mpéwang tanaé. Sining tau laingngé métau senna'ni, nainappa mennang napoji arajanna Allataala ri surugaé.

WAHYU 14:7

Iyaro malaéka'é gorai sibawa sadda battowaé, “Etauko ri Allataala, sibawa pojiwi arajan-Na! Saba' wettunna Allataala madélékiwi tolinoé. Sompai Aléna iya pancajiyéngngi langié, linoé, tasi'é sibawa sininna mata uwai.”

WAHYU 16:9

Riyangurenni tolinoé ri pellana matire'é, angkanna natanroiwi asenna Allataala, iya makuwasaiyéngngi sining abalaéro. Namuni makkuwaro, dé' namaélo mennang toba' polé ri dosa-dosana sibawa dé' namaélo pojiwi arajanna Allataala.

1 SAMUEL 5:11

Rimakkuwannanaro naobbini mennang sininna arung Filistingngé kuwammengngi naddeppungeng, nainappa makkeda, “Palisuni iyaro Petti Assijancinna Allataalana Israélié ri onronna mammulangngé kuwammengngi aja' naunoki sibawa kaluwargata.” Ri sininna kotaé kajajiyanni alippuwangngé nasaba Allataala hukkungngi pabbanuwana sibawa matane senna.

1 SAMUEL 5:9

Iyakiya lettu'nana iyaro Pettié kuwaro, Puwangnge hukkung towi iyaro kotaé sibawa paompo alippuwang iya battowa senna'é. Iyaro pabbanuwana kotaé, muwi maloloé iyaré'ga macowaé rihukkungngi sibawa sining lettang iya tuwoé ri tubunna mennang.

1 SAMUEL 6:8

Nainappa alai Petti Assijancinna Puwangnge, paénré'i ri padatié, sibawa palénne'i ri seddéna petti-petti iya mallise'é barab-barang ulaweng iya harusu'é muwakkasuwiyangeng lao ri Aléna selaku pakkamaja dosamu. Leppessangngi iyaro padatié sibawa sapingngé joppa alé-aléna.