1 SAMUEL 6:4 - KITTA KAREBA MADECENG

⁴ Nakkutana iyaro sining tauwé, “Pakkamaja agana harusu tawéréngngi?” Nappébali iyaro sining imangngé, “Lima boro ulaweng sibawa lima balawo ulaweng, situru jumellana arung Filistingngé. Dé'ga na abalaé iyanaritu boro-boro sibawa balawoto iya puraé kenna manekko, muwi ra'ya'é iyaré'ga arungngé?

1 SAMUEL 6:4 ပူးပေါင်းရင်းမြစ်များ

ASSURENG 12:35

Pura toni napogau' mennang aga iya napowadaé Musa, iyanaritu méllauwi paréwa ulawenna sibawa péra'na enrengngé pakéyanna tau Maséré'é.

YOSUA 13:3

sibawa sininna daéra Awi liyattang. (Daéra polé ri Salo Sikhor ri pakkasésénna Maséré lettu ri pakkasésénna Ekron ri seddé manorang, iya manennaro muttama'i ri daérana bangsa Kanaangngé; sibawa sining arung Filistingngé monroi ri Gaza, Asdod, Askélon, Gat sibawa Ekron.)

HAKING-HAKING 14:19

Tappa mawatanni Simson polé ri akuwasanna Puwangnge, nainappa lao ri Askélon. Kuwaniro mpuno telluppulo tau worowané iya mappaké magelloé. Nalai pakéyanna mennanro nanawéréngngi iya telluppulo tau iya puraé teppui iyaro patteppunna. Purairo, lisuni ri bolana sibawa ati iya masumpe'é.

HAKING-HAKING 3:3

Bangsa-bangsa iya monroé mupa ri wanuwaéro iyanaritu: bangsa iya monroé ri laleng iya lima kota Filistin, sininna bangsa Kanaan, bangsa Sidon sibawa bangsa Héwi iya monroé ri buluna Libanon, mappammulai polé ri Bulu Baal-Hérmon lettu ri laleng iya mattujué ri Hamat.

1 SAMUEL 5:12

Sining tau iya dé'é namaté, nakennai lasa lettal-lettangngé, angkanna pabbanuwana iyaro kotaé gorani lao ri déwata-déwatana mennang, méllau tulung.

1 SAMUEL 5:6

Nainappa nahukkung Puwangnge pabbanuwana Asdod nenniya daéra seddéna sibawa boro-boro ri tubunna mennang.

1 SAMUEL 5:9

Iyakiya lettu'nana iyaro Pettié kuwaro, Puwangnge hukkung towi iyaro kotaé sibawa paompo alippuwang iya battowa senna'é. Iyaro pabbanuwana kotaé, muwi maloloé iyaré'ga macowaé rihukkungngi sibawa sining lettang iya tuwoé ri tubunna mennang.

1 SAMUEL 6:5

Jaji, harusu'ko mébbu pada-padanna polé ri lettal-lettangngé sibawa balawo iya majjallo'é ri wanuwammu. Nanallalengiwiro mupakallebbii Allataalana Israélié. Naullé mappésauwi matu hukkukko, silaong déwata-déwatamu enrengngé tanamu.

1 SAMUEL 6:8

Nainappa alai Petti Assijancinna Puwangnge, paénré'i ri padatié, sibawa palénne'i ri seddéna petti-petti iya mallise'é barab-barang ulaweng iya harusu'é muwakkasuwiyangeng lao ri Aléna selaku pakkamaja dosamu. Leppessangngi iyaro padatié sibawa sapingngé joppa alé-aléna.