1 SAMUEL 6:3 - KITTA KAREBA MADECENG

³ Nappébali mennang, “Iyaro Petti Assijancinna Allataalana Israélié aja' mupalisui makkuwaro bawang, iyakiya harusu'i nasibawang hadiya untu' pakkamaja dosamu. Nanallalengiwiro naripajjapako matu, sibawa muwissengngi matu magi iyaro Allataalana Israélié natteru-teru hukkukko.”

1 SAMUEL 6:3 ပူးပေါင်းရင်းမြစ်များ

AYUB 10:2

Oh Allataala, aja' Mupassalaka; pakatajanni magi Muéwaka.

ASSURENG 23:15

Ri laleng uleng Abib ri wettu iya ripattentué, harusu'ko ramé-raméiwi Pésta Roti Dé'é Raginna sibawa cara-cara iya puraé Uparéntakko, saba' ri laleng ulengngéro musalaiwi Maséré. aja' muwanré roti iya riyébbué paké ragi ri laleng ramé-ramé pitungngessoéro ittana. Assaleng laoko massompa ri Iyya, harusu'ko tiwi pakkasuwiyang.

ASSURENG 34:20

iyakiya harusu'i mucéra ana' kaleddé iya bunge' jajiyé sibawa makkasuwiyangeng sikaju ana' bimbala untu' passulléna. Rékko dé' mumaélo céra'i, harusu'i mupolo ellonna iyaro kaleddé'é. Tungke' ana' worowanému macowaé harusu'i mucéra. Dé' muwi séddi tau lao ri Iyya rékko dé' natiwi pakkasuwiyang.

ASSURENG 8:15

Wettunna naita arungngé makkedaé iyaro sining cuppangngé maténi, matedde atini. Napada-pada iya pura napowadaé Puwangnge, dé' namaélo arungngé bati-batiwi ada-adanna Musa sibawa Harun.

ANGIMANGENG 5:6

Sibawa untu' pakkamaja dosana, harusu'i tiwi sikaju bimbala iyaré'ga bémbé lai untu' Puwangnge. Imangngé harusu' makkasuwiyangengngi iyaro akkarobangngé kuwammengngi nariyaddampengeng dosana iyaro tauwé.

ANGIMANGENG 6:6

Untu' akkarobangeng passullé aroging iyaro tauwé harusu'i makkasuwiyangeng sikaju bimbala iyaré'ga bémbé lai iya dé'é gaga sala-salanna sibawa riyangke'i situru ellinna iya ripatakkennaé ri Kémana Puwangnge.

ULANGENG 16:16

Sininna worowané Israélié harusu'i polé sompai Puwang Allataalamu ri onrong iya Napilé wékkatellu sitaung, iyanaritu ri Esso Maraja Paskaé, ri Pésta Engngalangngé sibawa Pésta Kalampang Daud-daungngé. Tungke' tau harusu'i tiwi pakkasuwiyang

1 SAMUEL 5:11

Rimakkuwannanaro naobbini mennang sininna arung Filistingngé kuwammengngi naddeppungeng, nainappa makkeda, “Palisuni iyaro Petti Assijancinna Allataalana Israélié ri onronna mammulangngé kuwammengngi aja' naunoki sibawa kaluwargata.” Ri sininna kotaé kajajiyanni alippuwangngé nasaba Allataala hukkungngi pabbanuwana sibawa matane senna.

1 SAMUEL 5:7

Wettunna mennang naita aga iya mattengngangngé kajajiyang ri mennanro, makkedani mennang, “Allataalana Israélié hukkukki silaong déwatata Dagon. Dé' nawedding rileppessang Petti Assijancingngé monro kuwaé lebbi maittapa.”

1 SAMUEL 5:9

Iyakiya lettu'nana iyaro Pettié kuwaro, Puwangnge hukkung towi iyaro kotaé sibawa paompo alippuwang iya battowa senna'é. Iyaro pabbanuwana kotaé, muwi maloloé iyaré'ga macowaé rihukkungngi sibawa sining lettang iya tuwoé ri tubunna mennang.

1 SAMUEL 6:8

Nainappa alai Petti Assijancinna Puwangnge, paénré'i ri padatié, sibawa palénne'i ri seddéna petti-petti iya mallise'é barab-barang ulaweng iya harusu'é muwakkasuwiyangeng lao ri Aléna selaku pakkamaja dosamu. Leppessangngi iyaro padatié sibawa sapingngé joppa alé-aléna.

1 SAMUEL 6:9

Pénessaiwi lalenna; rékko iyaro Petti Assijancingngé natiwii mattuju ri wanuwanna muto, iyanaritu kota Bét-Sémes, iyaro bettuwanna makkedaé Allataalana tau Israélié ritu pura papolé acilakang iya maseroéro lao ri idi. Iyakiya rékko iyaro padatié dé' nattuju kuwaro, taissenni matu makkedaé tenniya polé ri Allataalana Israélié, sangadinna nasitujuwammi bawang.”