1 SAMUEL 6:2 - KITTA KAREBA MADECENG

² naobbini tau Filistingngé sining imangngé sibawa sining passéhéré'é nainappa makkutana, “Harusu'i riyaga iyaro Petti Assijancinna Puwangnge? Rékko ripalisui ri onronna, pékkugi carana?”

1 SAMUEL 6:2 ပူးပေါင်းရင်းမြစ်များ

KAJAJIYANG 41:8

Elénana maséssani arungngé, rimakkuwannaro nasuroni mobbii sininna passéhéré'é sibawa tau maccaé ri Maséré. Nainappa nacurita nippinna lao ri mennang, iyakiya dé' muwi séddi tau mulléi pakatajangngi bettuwanna.

ASSURENG 7:11

Rimakkuwannanaro naobbi toni arungngé sining tau maccaé sibawa ahli-ahli passéhéré'na, nanapogau' toni makkuwaéro sibawa pangissengeng mappalennye'-lennye'na mennang.

YESAYA 2:6

Oh Allataala, Musalaini umma'-Mu, wija-wijanna Yakub! Rimakkuwannanaro kégi-kégi ri wanuwaéwé pakéi tauwé paddisengeng mappalennye-lennye iya assalennaé poléi ri alau sibawa polé ri Filistin. Sining tauwé naturui ade abiyasang laingngé.

DANIEL 2:2

Rimakkuwannanaro naobbini sining pabotoé, pajjappi maccaé, sanroé sibawa sining tau mappangissengengngé, untu' pakatajangngi nippinnaro.

DANIEL 5:7

Nagorana méllauwi kuwammengngi nariyobbi sining pabotoé, ahli pajjappié sibawa ahli pappalakiyaé. Wettunna mennang engkani, makkedani arungngé, “Nigi-nigi mulléi bacai iyaro okié sibawa paissengika bettuwanna, uwéréngngi matu pakéyang akkarungeng maddupa jumba collipao sibawa ranté ulaweng tanrang alebbireng. Ri lainnaéro uwakkai matu mancaji panguwasa matellué ri laleng akkarungekku.”

MATIUS 2:4

Nasuroni sininna kapala imangngé sibawa guru-guru agamana bangsa Yahudié polé maddeppungeng. Nainappa makkutana ri mennang, “Kégai maélo jaji Arung iya najjanciyangngé Allataala?”

1 SAMUEL 5:8

Rimakkuwannanaro naobbini iya lima arung Filistingngé kuwammengngi naddeppungeng, nainappa makkutana, “Iyaro Petti Assijancinna Puwang Allataalana Israélié harusu'i riyaga?” Nappébali iyaro sining arungngé, “Palétté'i ri kota Gat.” Jaji, napalétté'ni iyaro pettié lao ri kota Gat, séddi kota Filistin iya laingngé.

1 SAMUEL 6:1

Monronana Petti Assijancinna Puwangnge ri Filistin pitumpuleng ittana,