1 SAMUEL 5:7 - KITTA KAREBA MADECENG

⁷ Wettunna mennang naita aga iya mattengngangngé kajajiyang ri mennanro, makkedani mennang, “Allataalana Israélié hukkukki silaong déwatata Dagon. Dé' nawedding rileppessang Petti Assijancingngé monro kuwaé lebbi maittapa.”

1 SAMUEL 5:7 ပူးပေါင်းရင်းမြစ်များ

2 SAMUEL 6:9

Iyakiya métau towi Daud ri Puwangnge sibawa makkeda, “Makkekkuwangngé pékkugini Petti Assijancingngéro weddingngi utiwi?”

1 TAWARIKH 15:13

Wettunna iyaro Pettié untu' bunge'-bunge'na ripalétté, dé'ko gaga kuwaro untu' tiwii. Rimakkuwannanaro Puwangnge, Allataalata, hukkukki saba' tasompai dé' nasituru élo-Na.”

ASSURENG 10:7

Makkedani sining pejaba'é lao ri arungngé, “Gangka kégi iyaro tauwé harusu sussaiki? Leppessangngi sining tau Israéliéro lao untu' massompa ri Puwang, Allataalana mennang. Itani ancuru'ni wanuwattaé!”

ASSURENG 12:33

Naridessa'na tau Israélié ri tau Maséré'é kuwammengngi namasitta-sitta salaiwi iyaro wanuwaé. Adanna mennang, “Maté manekki matu rékko dé' mulao!”

ASSURENG 8:28

Nakkeda arungngé, “Makessinni, upalaloko lao ri padang kessi'é untu' makkasuwiyangeng akkarobangeng lao ri Puwang, Allataalamu, assaleng aja' muwa mulao mabéla. Engngerangngi, assempajangekka!”

ASSURENG 8:8

Nariyobbina Musa sibawa Harun ri arungngé, namakkeda, “Assempajanno lao ri Puwangnge kuwammengngi napallennye'i sining cuppangngéwé, naupalaloi bangsamu lao untu' makkasuwiyangeng akkarobangeng lao ri Puwangnge.”

ASSURENG 9:28

Assempajanno lao ri Puwangnge; genne'ni anrasa-rasatta nasaba guttu sibawa bosi ése'éwé. Maéloka leppessakko lao. Aja'na muwonrona kuwaé.”

YEREMIA 46:25

Puwang Iya Pommakuwasaé, Allataalana Israélié, makkeda, “Uhukkungngi matu Amon, déwata polé ri Tébé, silaong sininna Maséré sibawa déwata-déwatana enrengngé arung-ngarunna. Arung Maséré sibawa sininna tau iya mattuwangngéngngi

YEREMIA 48:7

Moab! Muwattuwangngi apeccikemmu sibawa asugiremmu. Iyakiya makkekkuwangngé alémuna maélo ricau. Kamos, déwatamu, silaong sining imangngé nenniya sining pajaba'na ritiwii matu ri appalirengngé.

1 SAMUEL 4:8

Cilaka tongenni! Nigana mulléi passalama'ki polé ri déwata-déwata iya mawatangngéro? Dé'ga na déwata-déwataéttoro pura mpunoi tau Maséré'é ri padang kessi'é riyolo?

1 SAMUEL 5:6

Nainappa nahukkung Puwangnge pabbanuwana Asdod nenniya daéra seddéna sibawa boro-boro ri tubunna mennang.

1 SAMUEL 5:8

Rimakkuwannanaro naobbini iya lima arung Filistingngé kuwammengngi naddeppungeng, nainappa makkutana, “Iyaro Petti Assijancinna Puwang Allataalana Israélié harusu'i riyaga?” Nappébali iyaro sining arungngé, “Palétté'i ri kota Gat.” Jaji, napalétté'ni iyaro pettié lao ri kota Gat, séddi kota Filistin iya laingngé.

1 SAMUEL 6:20

Namakkeda pabbanuwana Bét-Sémes, “Nigana wedding tahang ri yolona Puwangnge, Allataala Iya Mapaccingngéro? Kégani iyaro Pettié harusu riyantara kuwammengngi namabéla polé ri idi?”