1 SAMUEL 5:6 - KITTA KAREBA MADECENG

⁶ Nainappa nahukkung Puwangnge pabbanuwana Asdod nenniya daéra seddéna sibawa boro-boro ri tubunna mennang.

1 SAMUEL 5:6 ပူးပေါင်းရင်းမြစ်များ

AYUB 31:3

Pasti napapoléi acilakangngé sibawa abalaé lao ri tau iya pogau'é ja!

MAZMUR 145:20

Nalinrungiwi tungke tau iya pojiyéngngi Aléna, iyakiya tau majaé Napaccappui.

MAZMUR 147:6

Napatokkongngi tau iya ritenre'é, iyakiya tau majaé Naggeppuwangngi ri tanaé.

MAZMUR 32:4

Esso wenni Iko natenre'ka, Puwang, cappu awatangekku pada-pada nattemmekiyé tire mata esso.

MAZMUR 78:66

Napasoroi balin-Na, sibawa caui mennang untu' mannennungeng.

ASSURENG 9:3

maélo-Ka papolé sai iya maseroé lao ri sininna olokolo'mu, anyarang, kaleddé, unta, saping, bimbala sibawa bémbé'mu.

RIWAYA'NA RASUL-RASUL-E 13:11

Itai makkekkuwangngé, Puwangngé maélo hukkukko! Butako matu, angkanna dé' mulléi mitai tappa essoé siyagangngaré ittana.” Iyatoro wettué napéneddingiwi Elimas engka saléwu iya mapettangngé tongkoi matanna, angkanna makkapése'ni joppa sappa tau untu' rénréngngi.

ULANGENG 28:27

Nahukkukko matu Puwangnge sibawa sining lettang pada-pada iya Napogau'é lao ri tau Maséré'é. Pennoi matu watakkalému sibawa lo mannana nenniya puru-puru iya makate'é, iyakiya dé'é gaga pabburana.

1 SAMUEL 5:11

Rimakkuwannanaro naobbini mennang sininna arung Filistingngé kuwammengngi naddeppungeng, nainappa makkeda, “Palisuni iyaro Petti Assijancinna Allataalana Israélié ri onronna mammulangngé kuwammengngi aja' naunoki sibawa kaluwargata.” Ri sininna kotaé kajajiyanni alippuwangngé nasaba Allataala hukkungngi pabbanuwana sibawa matane senna.

1 SAMUEL 5:7

Wettunna mennang naita aga iya mattengngangngé kajajiyang ri mennanro, makkedani mennang, “Allataalana Israélié hukkukki silaong déwatata Dagon. Dé' nawedding rileppessang Petti Assijancingngé monro kuwaé lebbi maittapa.”

1 SAMUEL 5:9

Iyakiya lettu'nana iyaro Pettié kuwaro, Puwangnge hukkung towi iyaro kotaé sibawa paompo alippuwang iya battowa senna'é. Iyaro pabbanuwana kotaé, muwi maloloé iyaré'ga macowaé rihukkungngi sibawa sining lettang iya tuwoé ri tubunna mennang.