1 SAMUEL 5:3 - KITTA KAREBA MADECENG

³ Wettunna pabbanuwana Asdod pappa bajana éléé lao ri bola déwataéro, naitani mennang makkedaé dato'-dato' Dagon mabuwang moppanni ri tanaé, ri yolona Petti Assijancinna Puwangnge! Nakkani mennang iyaro dato'-dato'é nanapalisui ri onronna.

1 SAMUEL 5:3 ပူးပေါင်းရင်းမြစ်များ

1 ARUNG-NGARUNG 18:26

Nanapiléna mennang sikaju saping sibawa passadiyai. Purairo massempajanni lao ri Baal mappammulai éléé narapi tangassoé nanagora-gorato, “Baliki, Baal!” Napogau'i mennang makkuwaéro nanaséré-séréto matteru ri mattulilinna mézbana. Iyakiya dé' siseng gaga pappébali.

MAZMUR 115:7

Mappunnaiwi mennang lima, iyakiya dé' naulléi makkarawa, mappunnaiwi ajé, iyakiya dé' naulléi joppa, sibawa dé'gaga sadda massu polé ri tigero'na.

MAZMUR 97:7

Sininna tau iya sompaéngngi barahalaé ripakasirii matu, iya mabbangkakengngéngngi barab-barang dé'é nakkéguna; sinininna déwataé suju'i matu ri yolona Puwangnge.

ASSURENG 12:12

Iyaro wennié maélo-Ka jalajja'i sininna tana Maséré, sibawa mpunoi tungke' ana' worowané macowaé, muwi tolino, iyaré'ga olokolo. Maélo-Ka hukkungngi sininna déwataé ri Maséré, nasaba Iyya'na Puwang.

YESAYA 19:1

Iyanaé pasenna passalenna Maséré. Laowi Puwangnge ri Maséré tonangi ellung iya magattié. Ténré barahala-barahala Maséré'é ri yolo-Na sibawa marenni ati tau Maséré'é.

YESAYA 40:20

Tau iya dé'é namampu melli ulaweng iyaré'ga péra', napiléi aju iya dé'é namagampang masolang. Sappai panré iya maccaé untu' mébbu dato-dato iya dé'é namagampang kédo-kédo.

YESAYA 41:7

Panré ajué péwatangiwi atinna panré ulawengngé, tau iya palleppangngéngngi bessié sibawa palu-palu pojiwi tau iya mallanroé ri yasé'na appalangkangngé. Adanna, ‘Makessing tongeng jama-jamammu’; nainappa napakkasse sibawa paku kuwammengngi aja' nakédo.

YESAYA 46:7

Iyaro dato-dato'é napakui sibawa nataroi ri onronna, tettongngi kuwaro sibawa dé' naulléi létté. Rékko massempajangngi tauwé lao ri aléna, dé' nappébali, sibawa dé' napassalama'i polé ri asussanna.

YEREMIA 10:8

Madongo sibawa madonggo maneng mennang saba' déwatana banna aju simata, dé' naulléi mappagguruwangngi iya makkégunaé.

ZEFANYA 2:11

Puwangnge mébbui matu mennang métau. Naancuru'i matu sining déwataé ri linoé. Nainappa sininna bangsaé massompai matu lao ri Puwangnge, tungke'-tungke' ri wanuwanna muto.

MARKUS 3:11

Sining tau iya nauttamakiyé roh maja, sises-siseng naitai, matteru bawammi suju' ri yolo-Na sibawa gora, “Ikona Ana'na Allataala!”

1 SAMUEL 6:1

Monronana Petti Assijancinna Puwangnge ri Filistin pitumpuleng ittana,

1 SAMUEL 6:5

Jaji, harusu'ko mébbu pada-padanna polé ri lettal-lettangngé sibawa balawo iya majjallo'é ri wanuwammu. Nanallalengiwiro mupakallebbii Allataalana Israélié. Naullé mappésauwi matu hukkukko, silaong déwata-déwatamu enrengngé tanamu.