1 SAMUEL 5:12 - KITTA KAREBA MADECENG

¹² Sining tau iya dé'é namaté, nakennai lasa lettal-lettangngé, angkanna pabbanuwana iyaro kotaé gorani lao ri déwata-déwatana mennang, méllau tulung.

1 SAMUEL 5:12 ပူးပေါင်းရင်းမြစ်များ

1 ARUNG-NGARUNG 19:17

Nigi-nigi iya dé'é nariyuno ri Hazaél, riyunoi matu ri Yéhu, sibawa mennang iya leppe'é polé ri Yéhu riyunoi matu ri Elisa.

ASSURENG 12:30

Iyaro wennié moto'ni arungngé, sining pejaba'na sibawa moto manenna tau Maséré'é. Ri sininna wanuwa Maséré riyéngkalingai sadda mpating iya maladde'é nasaba dé' muwi séddi bola iya dé'é naamaténg séddi ana' worowanéna.

YEREMIA 14:2

“Messé atiwi Yéhuda céddé'ni maté kota-kotana. Léwuni sining taunna ri tanaé sibawa maddaréké. Kelli Yérusalém méllau ribantu.

YEREMIA 25:34

Eh sining pamimping, éh sining pakkampina umma'na Puwangnge! Terino maladde-ladde! Aggaléluno ri laleng awué, saba' narapini wettunna riyunoko, na iya leppe'é ripassara-sarangngi matu. Pada-padako matu kullang mangke'é iya sempé'é nareppa.

YEREMIA 48:3

Engkalingai! Gorai pabbanuwana Horonaim, ‘Abinasang! Ancurukeng!’

AMOS 5:19

Keadaanna pada-padai tau iya lariyé polé ri singaé, iyakiya siruntu'i beruwangngé. Iyaré'ga pada-pada tau iya lisué ri bolaé sibawa mattulekkeng sibawa limanna ri témbo'é, naripitto ri ulaé!

1 SAMUEL 6:1

Monronana Petti Assijancinna Puwangnge ri Filistin pitumpuleng ittana,

1 SAMUEL 9:16

“Baja éléé kira-kira wettu makkuwaéwé, maélo-Ka suro séddi tau polé ri suku Bényamin méwako sita. Lanti'i sibawa upacara amminnyakeng untu' mancaji arung ri umma'-Ku Israélié. Napassalama'i matu umma'-Ku polé ri tau Filistingngé. Uwitani anrasa-rasanna umma'-Ku sibawa méngkalingai terinna mennang méllau tulung.”