1 SAMUEL 5:11 - KITTA KAREBA MADECENG

¹¹ Rimakkuwannanaro naobbini mennang sininna arung Filistingngé kuwammengngi naddeppungeng, nainappa makkeda, “Palisuni iyaro Petti Assijancinna Allataalana Israélié ri onronna mammulangngé kuwammengngi aja' naunoki sibawa kaluwargata.” Ri sininna kotaé kajajiyanni alippuwangngé nasaba Allataala hukkungngi pabbanuwana sibawa matane senna.

1 SAMUEL 5:11 ပူးပေါင်းရင်းမြစ်များ

ASSURENG 10:7

Makkedani sining pejaba'é lao ri arungngé, “Gangka kégi iyaro tauwé harusu sussaiki? Leppessangngi sining tau Israéliéro lao untu' massompa ri Puwang, Allataalana mennang. Itani ancuru'ni wanuwattaé!”

1 SAMUEL 5:10

Nainappa iyaro Petti Assijancingngé ritiwi ri Ekron, kota Filistin iya laingngéssi. Lettu'na iyaro Pettié kuwaro, gorani pabbanuwana, makkeda, “Iyaro Petti Assijancinna Allataalana Israélié ritiwii kumaiyé untu' mpuno manekki.”

1 SAMUEL 5:6

Nainappa nahukkung Puwangnge pabbanuwana Asdod nenniya daéra seddéna sibawa boro-boro ri tubunna mennang.

1 SAMUEL 6:5

Jaji, harusu'ko mébbu pada-padanna polé ri lettal-lettangngé sibawa balawo iya majjallo'é ri wanuwammu. Nanallalengiwiro mupakallebbii Allataalana Israélié. Naullé mappésauwi matu hukkukko, silaong déwata-déwatamu enrengngé tanamu.