1 SAMUEL 5:10 - KITTA KAREBA MADECENG

¹⁰ Nainappa iyaro Petti Assijancingngé ritiwi ri Ekron, kota Filistin iya laingngéssi. Lettu'na iyaro Pettié kuwaro, gorani pabbanuwana, makkeda, “Iyaro Petti Assijancinna Allataalana Israélié ritiwii kumaiyé untu' mpuno manekki.”

1 SAMUEL 5:10 ပူးပေါင်းရင်းမြစ်များ

2 SAMUEL 7:9

Purano Usibawang kégi-kégiko lao, sibawa sininna balimmu purani Upaccappu ri wettummu mammusu. Uwébbuko matu tarompo pada-pada sining pamimping iya kaminang battowaé ri linoé.

2 ARUNG-NGARUNG 1:2

Riséuwaé esso Arung Ahazia polé ri Israél menrungngi polé ri légo-légo langga yasé'na saorajana ri Samaria, namalo ladde'na. Nanasuroni tauwé untu' makkutangngi ri Baal-Zébub, déwatana kota Ekron ri Filistin, majjappa muwiga matu iyaré'ga dé'.

AMOS 1:8

Upaddésu'i matu pabbanuwana sibawa panguwasana kota Asdod enrengngé Askélon. Uhukkungngi matu kota Ekron, sibawa sininna sésana tau Filistingngé Upaccappui matu.”

AMOS 6:2

Laono mitai ri Kalné, nainappa joppano matteru lao ri kota Hamat iya battowaéro, nainappa lao ri kota Gat ri Filistin. Muwasengngi iyaro kota-kotaé lebbi kessingngi naiya akkarungeng Yéhuda sibawa Israélié? Aga daérana mennang lebbi battowai naiya daéramu?

YOSUA 13:3

sibawa sininna daéra Awi liyattang. (Daéra polé ri Salo Sikhor ri pakkasésénna Maséré lettu ri pakkasésénna Ekron ri seddé manorang, iya manennaro muttama'i ri daérana bangsa Kanaangngé; sibawa sining arung Filistingngé monroi ri Gaza, Asdod, Askélon, Gat sibawa Ekron.)

YOSUA 15:11

Polé ri Timna, iyaro jori pakkaséséngngé mattujui ri seddé manoranna Bulu Ekron, nainappa bélo' ri Sikron, lalo ri Bulu Baala, matteru ri Yabneel, sibawa maccappa ri Tasi Tengnga,

YOSUA 15:45

Makkuwatoro Ekron sibawa kota-kota baiccu'na enrengngé désa-désana,

HAKING-HAKING 1:18

Puwangnge tulungngi tau Yéhudaé angkanna naulléi mennang sittaiwi daéra bulué. Iyakiya dé' naulléi mennang sittaiwi Gaza, Askélon iyaré'ga Ekron silaong daéra-daéraé ri seddéna, nasaba bangsa-bangsa iya monroé ri sillampé wiring tasi'é mappunnaiwi karéta-karéta musu polé ri bessié; rimakkuwannanaro dé' naulléi tau Yéhudaé paddésu'i mennang.

1 SAMUEL 17:52

Gora-gorani tau Israélié nenniya Yéhudaé sibawa lellungngi tau Filistingngé lettu ri Gat sibawa pintu gerbang Ekron. Sining tau Filistin iya maloé makkalénnereng puppu laleng lao ri Saaraimro!

1 SAMUEL 5:11

Rimakkuwannanaro naobbini mennang sininna arung Filistingngé kuwammengngi naddeppungeng, nainappa makkeda, “Palisuni iyaro Petti Assijancinna Allataalana Israélié ri onronna mammulangngé kuwammengngi aja' naunoki sibawa kaluwargata.” Ri sininna kotaé kajajiyanni alippuwangngé nasaba Allataala hukkungngi pabbanuwana sibawa matane senna.

1 SAMUEL 5:9

Iyakiya lettu'nana iyaro Pettié kuwaro, Puwangnge hukkung towi iyaro kotaé sibawa paompo alippuwang iya battowa senna'é. Iyaro pabbanuwana kotaé, muwi maloloé iyaré'ga macowaé rihukkungngi sibawa sining lettang iya tuwoé ri tubunna mennang.

1 SAMUEL 6:1

Monronana Petti Assijancinna Puwangnge ri Filistin pitumpuleng ittana,