1 SAMUEL 4:9 - KITTA KAREBA MADECENG

⁹ Pabbaraniwi atimmu, éh tau Filistingngé! Ammusuno pada-pada worowané, rékko dé', mancajiko matu atanna sining tau Ibraniéro, pada-pada mennang riyolo mancaji atammu. Rimakkuwannanaro ammusuno sibawa barani!”

1 SAMUEL 4:9 ပူးပေါင်းရင်းမြစ်များ

2 SAMUEL 10:12

Attahanno! Laono mai tammusu sibawa barani untu' bangsata sibawa untu' kota-kotana Allataalata. Tennapodo napogau'i Puwangnge aga iya Napuwéloé.”

YESAYA 14:2

Maéga bangsa tulungngi matu bangsa Israélié untu' lisu ri wanuwa iya nabbéréyangngé Puwangnge lao ri mennang, sibawa kuwaro mancaji atai matu bangsa-bangsaé lao ri Israélié. Natawangngi matu Israélié sining tau iya puraé tawangngi sibawa paréntai sining tau iya puraé tenre'i.

YESAYA 33:1

Cilakani sining balitta! Marrampo'i mennang namuni dé' narirampo, sibawa bali'bellai namuni dé' naribali'bellari. Iyakiya purana marrampo sibawa bali'bella, aléna mennang mancaji matu rirampo sibawa ribali'bellari.

1 KORINTUS 16:13

Sitinajako matike' sibawa masse ri laleng atuwommu selaku tau Kristéng. Tinda'no sibawa barani enrengngé ancajino mawatang.

HAKING-HAKING 10:7

Rimakkuwannanaro macayii Puwangnge lao ri umma Israélié, angkanna naleppessang bangsa Filistingngé kuwasaiwi mennang.

HAKING-HAKING 13:1

Madosasi tau Israélié lao ri Puwangnge, nainappa Puwangnge leppessangngi tau Filistingngé kuwasaiwi mennang patappulo taung ittana.

1 SAMUEL 14:21

Sining tau Ibrani iya monroé ri daérana tau Filistingngé, sibawa iya maccowéénna ri tentarana mennang, balé'i gilinni namasséddi sibawa Saul nenniya Yonatan.

1 SAMUEL 4:8

Cilaka tongenni! Nigana mulléi passalama'ki polé ri déwata-déwata iya mawatangngéro? Dé'ga na déwata-déwataéttoro pura mpunoi tau Maséré'é ri padang kessi'é riyolo?