1 SAMUEL 4:4 - KITTA KAREBA MADECENG

⁴ Nainappa mennang suroi tauwé lao ri Silo untu' malai Petti Assijancinna Puwangnge iya mancajiyé kadéra arajanna Puwang Iya Pommakuwasaé. Iya duwa ana'na Eli, Hofni sibawa Pinéhas, tinrosiwi Petti Assijancingngéro.

1 SAMUEL 4:4 ပူးပေါင်းရင်းမြစ်များ

2 SAMUEL 15:24

Imang Zadok sibawa Imang Abyatar engka kuwaro silaong sininna tau Léwi iya tiwiéngngi Petti Assijancinna Puwangnge. Iyaro Petti Assijancingngé ripalénne, nadé' nariyakka ri wettu dé'napa nasalaiwi sininna ra'ya'é kotaéro.

2 SAMUEL 6:2

Napimpinni mennang mattuju ri Baalé-Yéhuda, untu' malai polé kuwaro Petti Assijancingngé iya riteppué sibawa asenna Puwang Pommakuwasaé iya makkarungngé ri yasé'na kérub-kérub-é.

2 ARUNG-NGARUNG 19:15

nainappa massempajang, adanna, “Puwang, Allataalana Israélié, iya monroé ri yasé'na kérub-é, Iko alé-aléna Allataala iya makuwasaiyéngngi sininna akkarungengngé ri tompo'na linoé. Iko ritu pancajiwi langié sibawa linoé.

MAZMUR 80:1

Untu' pamimping kor. Situru lagunna: Bunga Bakungngé. Mazmur asabbiyanna Asaf.

MAZMUR 80:2

Oh Pakkampina Israélié, éngkalingai, Iko pimpingngéngngi wija-wijanna Yusuf selaku makkonrongeng. Iko iya makkarungngé ri yasé'na kérub-é, alluruno sibawa mattappa

MAZMUR 99:1

Puwangnge iyanaritu Arung; ténréi bangsa-bangsaé. Makkarungngi ri yasé'na kérub-é, taggottang linoé.

YESAYA 37:16

“Puwang Iya Pommakuwasaé, Allataalana Israélié, iya monroé ri yasé'na kérub-é, Iko alé-aléna Allataala iya makuwasaéngngi sininna akkarungengngé ri tompo'na linoé. Iko ritu pancajiwi langié sibawa linoé.

MALEAKHI 1:9

Makkekkuwangngé, éh imang-ngimang, coba méllauwi lao ri Allataala kuwammengngi Namaséiki. Dé' Nabaliwi matu sempajammu, na iyaro asalammu muto.

ABBILANGENG 4:15

Makkedai Puwangnge lao ri Musa sibawa Harun, “Wettummu bongkara'i akkémangngé, Harun sibawa ana'-ana'na harusu'i muttama ri laleng Kéma-Ku sibawa tongkoi sininna barangngé sibawa paréwanna iya engkaé kuwaro. Purairo nappa sining tau Kéhat-é wedding polé untu' méssangngi. Iyakiya dé' nawedding mennang naita, maddeppériwi iyaré'ga géssai iyaro barab-barangngé, nasaba purani ripallaing untu' aléku. Rékko to napogau'i mennang, matéi matu. Jaji, kuwammengngi iyaro sining tau Kéhat-é aja' nalennye polé ri suku Léwié, Harun sibawa ana'-ana'na harusu tugaskangngi tungke'-tungke' ri yelle'na mennang aga iya harusu'é mennang natiwi. Iyanaro tugasna tau Kéhat-é wettunna Kéma-Ku ripalétté. Eléazar, ana' Harun tanggung jawakiwi sininna Kéma-Ku, minnya lampué, dupa, akkarobang gandongngé untu' pappatala iya tette'é, minnya upacaraé sibawa sininna iya engkaé ri laleng Kéma-Ku.”

ABBILANGENG 4:5

Puwangnge mpéréngngi Musa iyaé peraturangngé: Rékko narapini wettunna ribongkara' akkémangngé, Harun sibawa ana'-ana'na harusu'i muttama ri Kémana Puwangnge, panonnoi kaing paddenring ri yolona Petti Assijancingngé, sibawa tongkoi iyaro Pettié sibawa kaingngéro.

ABBILANGENG 7:89

Tungke'-tungke' Musa muttama ri Kémana Puwangnge untu' mabbicara sibawa Puwangnge, naéngkalingai saddanna Puwangnge iya makkedaé lao ri aléna polé ri yasé'na pattongkona Petti Assijancingngé ri yelle'na iya duwa dato'-dato' kérub-é.

1 SAMUEL 1:24

Risalla'nana susu Samuél, riantara'ni ri indo'na lao ri Bolana Puwangnge ri Silo. Iyaro wettué baiccu senna mupi. Tiwi towi Hana sikaju saping lai iya makkéumuru telluttaungngé, gandong seppulo kilo, sibawa séddi popang bingkulang iya pennoé mallise anggoro.

1 SAMUEL 14:3

(Imang iya tiwiéngngi éfod-é iyanaritu Ahiya ana' Ahitub, iyanaritu silessurenna Ikabod ana' Pinéhas, na Pinéhas ana'na Eli, imanna Puwangnge ri Silo.) Dé'to naissengngi ra'ya'é makkedaé laoni Yonatan polé kuwaro.

1 SAMUEL 2:22

Macowa senna'ni Eli. Naéngkalingai matteru-teru appissengengngé passalenna kédo-kédona ana'-ana'na lao ri tau Israélié. Naisseng towi Eli makkedaé iyaro ana'-ana'na matinroi silaong sining makkunrai iya mangonrowangngé ri yolona sumpang Kéma Ahadérékenna Puwangnge.