1 SAMUEL 4:3 - KITTA KAREBA MADECENG

³ Wettunna lisu sésana tentara iya cauéro ri akkémangngé, makkedani sining pamimping Israélié, “Magi naleppessakki Puwangnge ricau ri tau Filistingngé essoéwé? Laono mai taalai Petti Assijancinna Puwangnge polé ri Silo, natatiwii kumaiyé, kuwammengngi namaélo Puwangnge tulukki sibawa passalama'ki polé ri balié.”

1 SAMUEL 4:3 ပူးပေါင်းရင်းမြစ်များ

2 SAMUEL 15:25

Namakkedana arungngé ri Zadok, “Palisuni iyaro Petti Assijancingngé ri kotaé. Rékko napojika Puwangnge, tentuni Napalaloka matu lisu sibawa mitai Petti Assijancingngéro paimeng silaong onrong naonroiyé.

1 TAWARIKH 17:1

Mattette'nana Daud ri saorajana, riséuwaé esso naobbini Nabi Natan namakkeda, “Itai, iyya'é monroka ri saoraja iya riyébbué polé ri aju camara Libanongngé, na Petti Assijancinna Puwangnge banna ri laleng kémaé!”

MAZMUR 74:1

Elong pappagguruwanna Asaf. Oh Allataala, untu' mannennungegga Musalaiki? Magi Mumatteru macai lao ri umma'-Mu muto?

MAZMUR 74:11

Magi nadé'na Mutulukki? Magi mupaleppe'i limam-Mu polé ri idi?

YESAYA 50:1

Makkedai Puwangnge lao ri Israélié, “Eh umma'-Ku, muwasengngi Upaddésu'ko pada-pada séddié lakkai paddésu'i bainéna? Rékko makkuwaitu, kégani sure' telle'na? Muwasengngi Iyya balu'ko, pada-pada séddié ambo' balu'i ana'na lao ri passinge inrengngé? Dé'! Ritawakko sibawa riyabbéyang, nasaba dosa nenniya jamu muto!

YESAYA 58:3

Makkutanai iyaro bangsaé, “Aga akkégunana mappuwasa rékko dé' naitai Puwangnge? Aga gunana tapakariyawai alé rékko dé' Najampangiki?” Makkedai Puwangnge, “Sitongenna, ri wettu mappuwasamu, sappako asarong riyalé sibawa para'i sining tau mupagajiyé.

YESAYA 59:1

Aja' muwasengngi Puwangnge malemma senna'i untu' passalama'ko, iyaré'ga mataru-taru senna untu' méngkalingai pangobbina.

YESAYA 59:2

Nasaba jamu ritu na dé' Naéngkalingai wettummu massempajang lao ri Aléna. Dosa-dosamu ritu passarakko polé ri Allataala.

YEREMIA 3:16

Nainappa rékko tattamba maégano ri wanuwaéwé, dé'na nabbicara matu tauwé passalenna Petti Assijancik-Ku. Dé' napikkiri'i matu mennang iyaré'ga méngngerassi, mala mennang dé' napparelluwangngi matu iyaré'ga mébbu Petti Assijancingngé iya laingngé.

YEREMIA 7:4

Aja' mumateppe lao ri pabbelléngngé iya makkedaé, ‘Amakki, saba' iyaé Bolana Puwangnge. Tongeng iyaé Bolana Puwangnge!’

ABBILANGENG 10:33

Nasalainnana bangsa Israélié Sinai, bulu naonroiyé Puwangnge, joppani mennang tellungngesso ittana. Petti Assijancinna Puwangnge tuli ritiwii poddiyoloiwi mennang untu' sappa onrong makkéma untu' mennang.

ABBILANGENG 10:35

Sises-siseng iyaro Petti Assijancingngé maélo riyakka makkedai Musa, “Oto'ni, oh Puwang, patassiya-siyai balimmu angkanna tau iya benciyékko lariwi.”

ABBILANGENG 31:6

Musa suroi mennang mammusu silaong Pinéhas ana'na Imang Eléazar. Tiwii Pinéhas barab-barang mapaccing sibawa tarompé-tarompé untu' mabbéré tanra-tanrang.

ULANGENG 29:24

Nakkutana matu sininna linoé, ‘Magi napogau'i Puwangnge makkuwaéro sibawa wanuwanna mennang? Aga saba'na Namacai masero makkuwaro?’

ULANGENG 31:26

“Allani iyaé kitta Hukkunna Allataala, namutaroi ri seddéna Petti Assijancinna Puwang Allataalamu, kuwammengngi tette'i engka kuwaro selaku asabbiyang lao ri bangsaéro.

2 TIMOTIUS 3:5

Namuni secara mallahéreng, mapatoi mennang pajoppai kewajibanna agamaé, iyakiya nasampéyangngi iya poko'é ri laleng agamaéro. Abélaiwi sining tau makkuwaéro.

IBRANI 9:4

Ri laleng bili'éro engka mézba iya riyébbué polé ri ulawengngé untu' mattunu dupa, sibawa engkato Petti Assijancingeng iya rilapiri manengngé sibawa ulaweng. Ri laleng Pettiéro engka oring ulaweng mallise' manna, tekkenna Harun iya cura'énna, sibawa duwa pépeng batu iya riyarokiriyé seppulo parénta polé ri Allataala.

YOSUA 4:7

sitinajako paissengiwi mennang makkedaé uwaina Salo Yordan pettui wettunna Petti Assijancinna Puwangnge ritiwi malléttoiwi saloéro. Iyaro batu-batué tuli naparéngngerangiwi matu bangsa Israélié lao ri aga iya kajajiyangngé kuwaé.”

YOSUA 6:6

Nanaobbini Yosua sining imangngé, sibawa makkeda, “Akkani iyaro Petti Assijancingngé; pitu tau polé ri yelle'mu harusu joppa ri yolona natiwito tarompé.”

YOSUA 7:7

Makkedani Yosua lao ri Puwangnge, “Oh Allataala, Puwak-ku! Untu' aga Mutiwiki lettu ri liwenna Salo Yordan? Aga untu' mabbéréyakki lao risining tau Amorié? Kuwammengngi tamaté? Lebbi kessing muwi monroki bawang kuwaro, ri liwenna Yordan!

YOSUA 7:8

Oh Puwang! Ripasoroni sining tau Israélié ri balié. Aga harusu upowada makkekkuwangngé?

1 PETRUS 3:21

Nah, iyaro kajajiyangngé sinrupai ébara'na acemméngngé iya makkekkuwangngéwé passalama'ko. Iyaé acemméngngé tenniya séuwa upacara mappépaccing alé polé ri sininna iya macarépaé, sangadinna sinrupai jancimmu lao ri Allataala polé ri ati marilaleng iya makessingngé. Iyaro acemméngngé napassalama'ko nasaba Yésus Kristus tuwoni paimeng polé ri amaténgngé,

YUDAS 1:5

Iya manennaro pura muwissenni. Namuni macinnaka paréngngerangiko passalenna pékkugi Puwangngé passalama'i umma' Israélié polé ri Maséré', iyakiya rimunri napaccappui sining tau iya dé'é namateppe' ri yelle'na mennang.

1 SAMUEL 1:24

Risalla'nana susu Samuél, riantara'ni ri indo'na lao ri Bolana Puwangnge ri Silo. Iyaro wettué baiccu senna mupi. Tiwi towi Hana sikaju saping lai iya makkéumuru telluttaungngé, gandong seppulo kilo, sibawa séddi popang bingkulang iya pennoé mallise anggoro.

1 SAMUEL 14:18

Nakkeda Saul lao ri Imang Ahia, “Tiwii mai iyaro éfod-é.” (Iyaro essoé natiwii Ahia éfod-é ri yolona tau Israélié.)

1 SAMUEL 4:2

Mammulani maggasa tentara Filistingngé, napuranana ammusureng maseroé, cauni tentara Israélié sibawa kira-kira patassebbu maté ri ammusurengngéro.