1 SAMUEL 4:18 - KITTA KAREBA MADECENG

¹⁸ Wettunna iyaro tauwé paissengiwi passalenna Petti Assijancingngéro, mabuwang léngenni Eli polé ri kadérana ri seddéna pintu gerbangngé. Makkuwamani cowana sibawa macommo angkanna wettunna mabuwang poloi ellonna, namaté. Purani napimping Israélié patappulo taung ittana.

1 SAMUEL 4:18 ပူးပေါင်းရင်းမြစ်များ

MAZMUR 26:8

Upojiwi Bola-Mu, oh Puwang, onrom-Mu monro sibawa penno arajang.

MAZMUR 42:10

Makkedaka lao ri Allataala, pangéwaingekku, “Magi Muwallupaika? Magi naharusu'ka matteru manrasa-rasa, nasaba ritenre risining balikku?”

MAZMUR 42:3

Uwuddaningiwi Allataala iya tuwoé, uppanna weddikka lao massompa ri Bola-Na?

MAZMUR 69:9

Mancajika pada-pada tau laingngé lao ri siyajikku, pada-pada tau saliwengngé lao ri kakaku sibawa anrikku.

ANGIMANGENG 10:3

Namakkeda Musa lao ri Harun, “Iyanaro nakkattai Puwangnge wettunna makkeda, ‘Sininna iya tumaningiyékka harusu'i napakalebbi apaccingek-Ku. Maéloka pannessai arajak-Ku lao ri sininna bangsaé!’ ” Iyakiya mammekko bawammi Harun.

HAKING-HAKING 15:20

Duwappulo taung ittana Simson pimpingngi umma Israélié wettunna mennang rikuwasai ri tau Filistingngé.

1 SAMUEL 4:13

Eli, iya manenneng senna'é pikkiri'i asalamakenna Petti Assijancinna Puwangnge, tudat-tudangngi ri kadéraé ri wiring lalengngé, nannawa-nawato. Wettunna iyaro tauwé nabbirittang akalanna Israélié, sininna pabbanuwana kotaé mpatinni sibawa macenno.

1 SAMUEL 4:17

Nappébali iyaro pattiwi karébaé, “Lariwi Israélié polé ri tau Filistingngé. Nakennaki akalang iya battowa senna'é. Maéga tau maté, makkuwatoro iya duwa ana'na Bapa', Hofni sibawa Pinéhas. Sibawa Petti Assijancinna Allataala nasittaiwi balié!”

1 SAMUEL 4:19

Iyaro wettué, ménéttunna Eli, iyanaritu bainéna Pinéhas, macowani tampu'na, sibawa wettunna mémmana macawé'ni. Wettunna naéngkalinga makkedaé risittaini Petti Assijancinna Allataala, sibawa maténi matuwanna sibawa lakkainna, tappa napéneddingini mapeddi maélo mémmana, nainappa mémmana dé' namaitta ri munrinna.