1 SAMUEL 4:17 - KITTA KAREBA MADECENG

¹⁷ Nappébali iyaro pattiwi karébaé, “Lariwi Israélié polé ri tau Filistingngé. Nakennaki akalang iya battowa senna'é. Maéga tau maté, makkuwatoro iya duwa ana'na Bapa', Hofni sibawa Pinéhas. Sibawa Petti Assijancinna Allataala nasittaiwi balié!”

1 SAMUEL 4:17 ပူးပေါင်းရင်းမြစ်များ

MAZMUR 78:61

Naleppessangngi Petti Assijancin-Na ritawang; lambang alebbiren-Na nasittaiwi balié.

MAZMUR 78:64

Imang-ngimanna mennang riyunoi sibawa peddang, janda-jandana mennang dé' naulléi mpating.

1 SAMUEL 2:34

Selaku butti makkedaé sininna iya Upowadaéro tongengngi kajajiyang matu, Hofni sibawa Pinéhas matéi matu ri laleng siessoé.

1 SAMUEL 3:11

Namakkedana Puwangnge lao ri aléna, “Maélo-Ka pogau'i séuwaé iya maseroé lao ri tau Israélié, angkanna tungke' tau iya méngkalingaéngngi malippui matu.

1 SAMUEL 3:12

Iyaro essoé maélo-Ka pogau'i sininna iya puraé Uwangancangeng lao ri kaluwargana Eli polé ri pammulanna lettu ri paccappurenna.

1 SAMUEL 4:16

Makkedani iyaro tauwé ri Eli, “Larika polé ri ammusurengngé iyaé essoé na silalona lettu'ka.” Nakkutana Eli ri aléna, “Pékkugi karébanna, ana'ku?”

1 SAMUEL 4:18

Wettunna iyaro tauwé paissengiwi passalenna Petti Assijancingngéro, mabuwang léngenni Eli polé ri kadérana ri seddéna pintu gerbangngé. Makkuwamani cowana sibawa macommo angkanna wettunna mabuwang poloi ellonna, namaté. Purani napimping Israélié patappulo taung ittana.