1 SAMUEL 4:13 - KITTA KAREBA MADECENG

¹³ Eli, iya manenneng senna'é pikkiri'i asalamakenna Petti Assijancinna Puwangnge, tudat-tudangngi ri kadéraé ri wiring lalengngé, nannawa-nawato. Wettunna iyaro tauwé nabbirittang akalanna Israélié, sininna pabbanuwana kotaé mpatinni sibawa macenno.

1 SAMUEL 4:13 ပူးပေါင်းရင်းမြစ်များ

MAZMUR 26:8

Upojiwi Bola-Mu, oh Puwang, onrom-Mu monro sibawa penno arajang.

YEREMIA 48:19

Iko iya monroé ri Aroér, tettonno ri wiring lalengngé sibawa pénessaiwi! Akkutanangngi lao ri mennang iya lariyé, sibawa leppe'é, ‘Aga pura kajajiyang?’

YOSUA 7:9

Naéngkalingai matu tau Kanaangngé sibawa sininna tau laingngé ri daéraéwé passalenna gau'éro. Nakeppukki matu mennang sibawa nauno manekki! Na agana harusu Upogau' matu untu' mattahangengngi alebbirem-Mu?”

1 SAMUEL 1:9

Riséuwaé esso purana mennang manré ri Bolana Puwangnge ri Silo, tettonni Hana polé ri méjang anréngngé. Iyaro wettué Imang Eli iya engkaétto ri Bolana Puwangnge, mattengngangngi tudang ri kadérana ri seddéna sumpangngé. Namasara senna'na Hana massempajang lao ri Puwangnge nanaterito tassénge-sénge.

1 SAMUEL 4:14

Naéngkalingai Eli iyaro mpatingngé, namakkutana, “Arukkang aga iyaro?” Na iyaro tauwé onna larini lao ri Eli; wettunna lettu, napaissengini karéba majaéro.

1 SAMUEL 4:18

Wettunna iyaro tauwé paissengiwi passalenna Petti Assijancingngéro, mabuwang léngenni Eli polé ri kadérana ri seddéna pintu gerbangngé. Makkuwamani cowana sibawa macommo angkanna wettunna mabuwang poloi ellonna, namaté. Purani napimping Israélié patappulo taung ittana.