1 SAMUEL 4:12 - KITTA KAREBA MADECENG

¹² Séddi tau polé ri suku Bényamin lari polé ri ammusurengngé lao ri Silo, nalettu kuwaro ri essoéttoro. Selaku tanrang asarang, purani nasapé-sapé pakéyanna sibawa nataroi tana ulunna.

1 SAMUEL 4:12 ပူးပေါင်းရင်းမြစ်များ

2 SAMUEL 1:2

Pappa bajanana, poléni séddi kallolo polé ri akkémanna Saul. Selaku tanrang mabbarata nasapé'ni pakéyanna sibawa taro tana ri ulunna. Laoni ri Daud sibawa suju' ri yolona.

2 SAMUEL 13:19

Nanataroini awu ulunna Tamar, nasapé'i jumbana, sibawa lao nanatongko towi rupanna sibawa iya duwa limanna enrengngé teri mapeddi.

2 SAMUEL 15:32

Wettunna Daud lettu ri tompo bulu-bulué ri onrong biyasanna tauwé massompa lao ri Puwangnge, riduppaini ri sellaona iya matinulué, iyanaritu Husai tau Arkié. Sapé pakéyanna Husai sibawa ulunna naguguriwi awu.

NEHEMIA 9:1

Ri tanggala duwappulona eppa ulengngéttoro, maddeppungenni ra'ya' Israélié. Mappuwasani mennang untu' mappaitangngi assesekalénna lao ri dosa-dosana. Napallainni aléna polé ri sininna tau laingngé. Selaku tanrang masussa, pakéi mennang kaing karung sibawa guguriwi ulunna tana. Nainappa mennang tettong sibawa mangakuiwi sininna dosana sibawa dosana toriyolona mennang.

AYUB 2:12

Iyakiya wettunna polé mabéla mupi naitai mennang, céddé'i dé' narupani. Terini mennang sibawa macenno sibawa sapé'i pakéyanna enrengngé massiyamporeng awu ri yelle'é sibawa ri ulunna.

YEREMIA 26:6

Rékko tette'ko dé' mumaélo turu, iyaé bola assompangngé Ugaukengngi matu pada-pada Silo, angkanna sininna bangsaé ri linoé pakéi asenna iyaé kota Yérusalém selaku tanro.”

YEHEZKIEL 24:26

Ri esso upogau'na gau'éro, séddi tau iya mullé leppe polé ri abinasangngéro poléi matu, sibawa palettu'i iyaro karébaé lao ri iko.

YEHEZKIEL 27:30

Nateringini mennang totomu, maddaréké nenniya mpating sibawa masussa. Maggugurengngi mennang awu ri ulunna sibawa maggalélu ri awué tanrang masara.

YOSUA 7:6

Messé senna'ni Yosua sibawa sining pamimpinna bangsa Israélié angkanna nasapé-sapé mennang pakéyanna, sibawa puppu esso narapi wenni suju'i mennang ri yolona Petti Assijancinna Puwangnge sibawa taroiwi awu ulunna mennang selaku tanrang messé babuwa.