1 SAMUEL 3:9 - KITTA KAREBA MADECENG

⁹ Rimakkuwannanaro makkedani lao ri Samuél, “Atinrono paimeng, narékko riyobbiko paimeng akkedano, ‘Abbicarani, Puwang, maréngkalingai atam-Mu.’ ” Nanalaona Samuél ri onrong atinronna paimeng.

1 SAMUEL 3:9 ပူးပေါင်းရင်းမြစ်များ

MAZMUR 85:8

Ajjellokenni makkedaé tette'-Ko mamasé, oh Puwang, wérékki asalamakeng polé ri alé-Mu.

MAZMUR 85:9

Maéloka méngkalingai ada-adanna Puwang Allataala; Najjanciyangngi asaléwangengngé lao ri idi, umma'-Na, assaleng dé' talisu pogau' dosa.

ASSURENG 20:19

Nakkeda mennang lao ri Musa, “Iko bawanna mabbicara lao ri idi, maéloki méngkalingai; iyakiya aja'na na Allataala mabbicara lao ri idi, matéki matti.”

YESAYA 6:8

Nainappa uwéngkalinga saddanna Puwangnge makkeda, “Niga Usuro matu? Niga matu mancaji pattiwi birittatta?” Umappébali, “Iyya'na. Suroka!”

DANIEL 10:19

Makkedai, “Namaséiko Allataala, rimakkuwannanaro aja' mubata-bata iyaré'ga métau, ayo', ancajino mawatang!” Ri wettu napowadana gau'éro, upéneddingini lebbi mawatakka sibawa makkeda, “Abbicarano, Puwang. Purani natambai awatangekku Puwang.”

RIWAYA'NA RASUL-RASUL-E 9:6

Iyakiya makkekkuwangngé oto'no namumattama ri kotaé. Kuwapiro matu ripowadakko aga harusu' mupogau'.”

YOSUA 5:14

Nappébali iyaro tauwé, “Tenniya rangeng, sibawa tenniyato bali. Laoka kuwaé selaku pallima tentarana Puwangnge.” Naéngkalinganaro masitta'ni Yosua suju' sompai iyaro tauwé. Makkedani Yosua, “Iyya'é atanna Puwang. Aga iya weddingngé upogau' untu' Puwang?”

1 SAMUEL 3:10

Nanapoléna Puwangnge, sibawa tettong ri onrongngéro namangobbi paimeng, “Samuél, Samuél!” Namappébali Samuél, “Abbicarani, Puwang, maréngkalingai atam-Mu.”

1 SAMUEL 3:8

Untu' mabbékkatellunna Puwangnge mobbii Samuél; nanaoto'na Samuél nalao sita Eli sibawa makkeda, “Engka aga Pa'? Magi namangobbi Bapa'?” Iyatoro wettué namaingekiwi Eli makkedaé Puwangnge ritu mobbii iyaro ana'é.