1 SAMUEL 3:6 - KITTA KAREBA MADECENG

^6-7 Nainappa Puwangnge mobbisi Samuél, iyakiya dé' naissengngi Samuél makkedaé iya mobbiéngngiro Puwangnge, nasaba dé'pa naengka Puwangnge nabbicara sibawa aléna. Rimakkuwannanaro moto'ni, nainappa naéwa sita Eli sibawa makkutana, “Engka aga Pa'? Magi taobbika Bapa'?” Nappébali Eli, “Dé' uwobbiko, ana'ku; atinrono paimeng.”

1 SAMUEL 3:6 ပူးပေါင်းရင်းမြစ်များ

KAJAJIYANG 43:29

Wettunna Yusuf naita Bényamin, anrinna, makkedani, “Jaji, iyanagaé anrimmu maloloéro, iya tuli mupauwé lao ri iyya? Tennapodo Allataala barakkakiko, ana'ku.”

2 SAMUEL 18:22

Iyakiya maddessa'i Ahimaas ri Yoab, “Muwi aga kajajiyang, palalo tokka tiwi karéba.” Nakkutana Yoab, “Magi mumatedde makkuwa maéloto lao, ana'ku? Dé' mutarima matu saro untu' iyaro.”

MATIUS 9:2

Nanatiwina tauwé kuwaro ri Aléna séddi tau péso' iya léwué ri onrong atinrongngé. Wettunna Yésus naita battowana teppe'na sining tauwéro, makkeda-Ni ri tau péso'éro, “Sabbara'ko ana'-Ku! Riyaddampengenni dosa-dosamu.”

1 SAMUEL 3:5

Nainappa lari lao sita Eli sibawa makkeda, “Engka aga Pa'? Magi nariyobbika?” Iyakiya mappébaliwi Eli, “Dé' uwobbiko, atinrono paimeng.” Nainappa lao matinro paimeng Samuél.

1 SAMUEL 4:16

Makkedani iyaro tauwé ri Eli, “Larika polé ri ammusurengngé iyaé essoé na silalona lettu'ka.” Nakkutana Eli ri aléna, “Pékkugi karébanna, ana'ku?”