1 SAMUEL 3:3 - KITTA KAREBA MADECENG

³ na Samuél matinroi ri seddéna Petti Assijancinna Puwangnge, ri laleng Kéma Mapaccingngé. Wettunna dé'pa naompo essoé sibawa malluwa mupa lampué,

1 SAMUEL 3:3 ပူးပေါင်းရင်းမြစ်များ

2 TAWARIKH 13:11

Tungke élé sibawa arawéng mattunu dupai mennang sibawa makkasuwiyangeng akkarobangeng ritunu untu' Puwangnge, enrengngé passadiyai roti ripatalaé. Tungke wenni palluwa'i mennang pajjennangeng ri ajé pajjennangeng ulawengngé. Tette'ki turusiwi parénta-paréntana Puwangnge, iyakiya iko musalaini.

MAZMUR 27:4

Banna séddi uwéllau ri Puwangnge, banna iyaé uwacinnai: monro ri Bolana Puwangnge sillampé atuwokku, untu' péneddingiwi akessingenna Puwangnge sibawa méllauwi pappimpin-Na.

MAZMUR 29:9

Nagottangngi aju-kajung berangangngé saddanna Puwangnge, sibawa padduttungngi daud-daungngé ri ale'é; na umma'é ri Bolana Puwangnge mangobbii, “Pojiwi Puwangnge!”

MAZMUR 5:7

Mupaccappui sining tau iya pojiyéngngi mabbellé, Muwita mariyawai pabbelléngngé sibawa pabbunoé.

ASSURENG 25:31

“Ebbui ajé lampué polé ri ulaweng tuléngngé. Tudangenna sibawa akkatenningenna harusu'i riyébbu polé ri ulaweng rilanroé; sining bunga bélo-bélona, muttama'ni uce'-uce' unganna sibawa ampélo unganna harusu'i masséddi sibawa tudangenna enrengngé akkatenningenna.

1 SAMUEL 1:6

Tuli ripeddiriwi atinna Hana sibawa ripakatuna ri Pénina, amaurénaro, nasaba Puwangnge dé' nawéréngngi ana'.

1 SAMUEL 1:9

Riséuwaé esso purana mennang manré ri Bolana Puwangnge ri Silo, tettonni Hana polé ri méjang anréngngé. Iyaro wettué Imang Eli iya engkaétto ri Bolana Puwangnge, mattengngangngi tudang ri kadérana ri seddéna sumpangngé. Namasara senna'na Hana massempajang lao ri Puwangnge nanaterito tassénge-sénge.