1 SAMUEL 3:18 - KITTA KAREBA MADECENG

¹⁸ Nainappa Samuél paissengi manengngi iyaro Eli. Dé' gaga muwi séddi iya narahasiyakangngé. Nainappa makkedani Eli, “Aléna Puwang, leppessanni Napogau' aga iya Naangga'é makessing.”

1 SAMUEL 3:18 ပူးပေါင်းရင်းမြစ်များ

KAJAJIYANG 18:25

Aja' nasining tau iya dé'é napasalaro riyunoi silaong iya pasalaé. Aja' Puwang! Saba' rékko tapogau'i Puwang, tau iya dé'é napasala pasti rihukkungngi matu silaong iya pasalaé. Pékkugi makkullé hakinna alangngé tinda' dé' naadélé!”

2 SAMUEL 10:12

Attahanno! Laono mai tammusu sibawa barani untu' bangsata sibawa untu' kota-kotana Allataalata. Tennapodo napogau'i Puwangnge aga iya Napuwéloé.”

2 SAMUEL 15:26

Iyakiya rékko dé' napojika Puwangnge, Aléna mani bawang aga Napuwélo ri aléku!”

2 ARUNG-NGARUNG 20:19

Nappébali Arung Hizkia, “Makessitto pasenna Puwangnge iya mupalettukengngékka'ro.” Mappébali makkuwairo nasaba mappikkiri'i: “Assaleng tette muwi amang sibawa damé akkarungekku ri wettu tuwoku.”

1 TAWARIKH 19:13

Pakkasse'i atimmu! Laono mai taéwa sibawa barani untu' bangsata sibawa untu' kota-kotana Allataalata. Tennapodo Puwangnge pogau'i aga iya Naéloriyé.”

AYUB 1:21

sibawa makkeda, “Rijajiyakka temmappunnai agi-agi, na matéka matti temmappunnaito agi-agi. Puwangnge pura mabbéréyangngi na Puwangnge muto pura malai. Ripojiwi asen-Na!”

AYUB 2:10

Nappébali Ayub, “Mabbicarako pada-pada tau madonggoé! Masa iyami bawang makessingngé maélo ritarima polé ri Allataala, na iya dé'é namakessing risampéyangngi?” Jaji, namuni napéneddingiwi Ayub sininna abalaéro, dé' napowadai ada-ada iya méwaéngngi Allataala.

MAZMUR 39:9

Paleppe'ka polé ri sininna dosaku, aja' taleppessakka mancaji akkéllé-kéllékenna tau madonggoé.

ASSURENG 34:5

Nananonnona Puwangnge ri laleng séddié ellung; tettonni sibawa Musa ri onrongngéro, nanateppui asen-Na iya mapaccingngé, iyanaritu Puwangnge.

YESAYA 39:8

Nappébali Arung Hizkia, “Makessitto pasenna Puwangnge iya mupalettukengngékka.” Mappébali makkuwairo nasaba mappikkiri'i: “Assaleng tette muwi amang akkarungekku sibawa damé ri wettu tuwoku mupa.”

YEREMIA 34:6

Naupalettu'ni iyaro pasenna Puwangnge lao ri Arung Zédékia ri Yérusalém,

YEREMIA 38:14

Ri séuwaé wettu iya laingngé, nasuroni tauwé Arung Zédékia tiwika mangolo ri aléna ri pintu gerbang iya matellué ri Bolana Puwangnge. Makkedai lao ri iyya, “Maéloka makkutana lao ri iko, na harusu'ko mappébali sibawa terus terang. Aja' musubbui agi-agi.”

YEREMIA 42:4

Umappébali, “Makessinni rékko makkuwaitu. Utarimai paréllaummuro. Maéloka massempajang lao ri Puwang Allataalata, na muwi aga pappébalin-Na, uwappaissengeng manengngi matu; muwi séddi dé'to usubbui polé ri iko.”

AWATINGENG 3:39

Magi naharusu tauwé maddaréké rékko rihukkungngi nasaba dosa-dosana?

ANGIMANGENG 10:3

Namakkeda Musa lao ri Harun, “Iyanaro nakkattai Puwangnge wettunna makkeda, ‘Sininna iya tumaningiyékka harusu'i napakalebbi apaccingek-Ku. Maéloka pannessai arajak-Ku lao ri sininna bangsaé!’ ” Iyakiya mammekko bawammi Harun.

1 PETRUS 5:6

Rimakkuwannanaro, pakariyawai alému ri yawa limanna Allataala iya mawatangngé, kuwammengngi napakatanréko rékko wettunna.

HAKING-HAKING 10:15

Iyakiya makkedai umma Israélié lao ri Puwangnge, “Madosaki Puwang. Pogau'ni agi-agi iya Mupuwéloé, assaleng Mutulung muki iyaé essoé.”