1 SAMUEL 3:11 - KITTA KAREBA MADECENG

¹¹ Namakkedana Puwangnge lao ri aléna, “Maélo-Ka pogau'i séuwaé iya maseroé lao ri tau Israélié, angkanna tungke' tau iya méngkalingaéngngi malippui matu.

1 SAMUEL 3:11 ပူးပေါင်းရင်းမြစ်များ

2 ARUNG-NGARUNG 21:12

Rimakkuwannanaro, Iyya, Puwang Allataala iya nasompaé umma Israélié, maélo papolé abala iya battowa senna'é ri yasé'na Yérusalém sibawa Yéhuda angkanna tungke' tau iya méngkalingaéngngi passalenna gauéro tassélengngi matu.

AYUB 41:9

Tungke' tau iya mitaéngngi Léwiatan, mancaji malemmai matu nainappa mabuwang marenne.

YESAYA 28:19

Nakennako matu abala matteru-teru sibawa harusu'ko tanggungngi esso-esso, élé, lakesso sibawa wenni. Ténréko matu nataro tau rékko muwajeppuiwi pasenna Allataala.

YESAYA 29:14

Rimakkuwannanaro maélo-Ka patassélengngi sibawa pakkunru makkolik-koling. Tau iya mapanré mancaji madonggoi matu, sibawa sininna amaccanna mennang dé' nakkéguna matu.”

YEREMIA 19:3

Harusu'-Ka makkeda makkuwaé, “Eh sining arunna Yéhuda sibawa pabbanuwana Yérusalém! Engkalingai aga Iyya, Puwang Iya Pommakuwasaé, Allataalana Israélié, maélo napowada lao ri iko. Upapoléi matu abala iya battowaé ri yasé'na onrongngéwé angkanna tau iya méngkalingaéngngi tasséleng.

HABAKUK 1:5

Nainappa makkeda Puwangnge lao ri umma'-Na, “Pénessaiwi bangsa-bangsaé ri seddému, namuhérang matu sibawa bengnga. Saba' ri wettummu engka séuwa maélo Upogau', iya dé'é muwatepperiwi rékko ricuritai bawang lao ri iko.

LUKAS 21:26

Namétau senna'na matu rupa tauwé moloiwi aga maélo kajajiyang ri sininna linoéwé, saba' sining makuwasaé ri bétaraé sipalu-palui matu.

RIWAYA'NA RASUL-RASUL-E 13:41

‘Pénessaiwi madécéd-décéng, éh iko sining tau iya pojiyéngngi maccella-cella! Hérakko matu, nainappa maté! Saba' iya wettuéwé engka séuwa Upogau' iya dé'é muwatepperiwi matu, namuni engka tau pakatajangekko.’ ”

1 SAMUEL 3:10

Nanapoléna Puwangnge, sibawa tettong ri onrongngéro namangobbi paimeng, “Samuél, Samuél!” Namappébali Samuél, “Abbicarani, Puwang, maréngkalingai atam-Mu.”

1 SAMUEL 4:10

Nainappa mammusuni tau Filistingngé sibawa masero nanacaui tentara Israélié. Larini tau Israélié lao ri kémana tungke'-tungke'. Battowa senna akalannaro: 30.000 prajuri'na Israélié maté.