1 SAMUEL 3:1 - KITTA KAREBA MADECENG

¹ Wettuéro, Samuél iya ana'-ana'é muparo tumaningiwi Puwangnge ri yawa anganrowangenna Eli. Iyaro wettué majarang senna engka paseng sibawa pakkitang polé ri Puwangnge.

1 SAMUEL 3:1 ပူးပေါင်းရင်းမြစ်များ

MAZMUR 74:9

Nabi-nabié sibawa tanra-tanrang makalallaingngé dé' napaitana, sibawa dé' muwi séddi tau missengngi gangka kégi matteru makkuwaé.

AMSAL 29:18

Bangsa iya dé'é nalolongeng pappimping polé ri Puwangnge mancajiwi bangsa iya pennoé akacaungeng. Masennangngi tau iya mapatoé lao ri hukkunna Puwangnge.

YESAYA 13:12

Tau iya ripassalama'é céddé senna, lebbi jarangngi mennang naiya ulaweng tuléngngé.

YEHEZKIEL 7:26

Abalaé sibawa karéba majaé poléi matu matteru-teru. Muwéllauwi matu kuwammengngi sining nabié maéloi mabboto, iyakiya dé' nawedding mennang. Makkuwatoro sining imangngé dé' nappunnai aga-aga untu' riyappagguruwang lao ri umma'é, sibawa sining pamimpingngé acappurenni pangaja.

1 SAMUEL 2:11

Nanalisuna Elkana sibawa kaluwargana ri Rama, iyakiya Samuél, ana'éro, monroi ri Silo sibawa tumaningiwi Puwangnge ri yawa pajjagana Imang Eli.

1 SAMUEL 2:18

Na wettuéro, Samuél iya anana'é muparo matterui tumaningiwi Puwangnge. Pakéi waju ripallaing polé ri kaing lénangngé, pada-pada waju assompanna sining imangngé.

1 SAMUEL 2:35

Nainappa piléka matu imang iya matinulué ri Iyya sibawa iya pogau'éngngi aga iya Uparéntangngéngngi. Uwéréngngi matu wija-wijanna iya tuli majjamaé matu selaku imang ri yolona arung-ngarung iya Upilé.

1 SAMUEL 2:36

Tungke' wijammu iya tuwoé mupa, laowi matu ri imangngéro untu' méllau dowi sibawa inanré. Naéllauwi matu, Palaloka bantui sining imangngé, kuwammengngi weddikka manré namuni banna sitémpu bawang.”

1 SAMUEL 3:15

Purairo matinroni paimeng Samuél, na ri élénana moto'ni sibawa timpa'i sining tange'na Bolana Puwangnge. Métauni paissengiwi Eli iyaro pakkitangngé,