1 SAMUEL 28:3 - KITTA KAREBA MADECENG

³ Maténi Samuél sibawa riwatingi ri sininna Israélié enrengngé ritampung ri Rama, kotana muto. Siyagangngaré wettu iya labe'é purani ripaddésu ri Saul polé ri Israélié sininna pappalakiyaé sibawa pangobbi waliyalaé.

1 SAMUEL 28:3 ပူးပေါင်းရင်းမြစ်များ

ASSURENG 22:17

Iyakiya rékko ambo'na dé' napalaloi iyaro worowané kawing sibawa ana'na, iyaro worowané harusu'i nawaja lao ri ambo'éro dowi singngéga sompana untu' séddié ana' perawang.

ASSURENG 22:18

Tungke' makkunrai iya pogau'éngngi séhéréé harusu'i riyuno.

ANGIMANGENG 19:31

Aja' mulao méllau pangaja ri sanro iya pakangkaé assisumpungeng sibawa roh-rohna tau maté. Rékko mupogau'i iyaro mancaji najisi'ko. Iyya'na Puwang Allataalamu.

ANGIMANGENG 20:27

Tungke' worowané iyaré'ga makkunrai iya pakangkaé assisumpungeng dibawa roh-rohna tau maté harusu'i rigenrung batu gangka maté. Iyaro tauwé matéi nasaba asalanna muto.”

ANGIMANGENG 20:6

Tau iya laowé méllau pangaja ri sanro iya pakangkaé assisumpungeng sibawa roh-rohna tau maté maéloka hukkungngi sibawa dé'na Uwangga'i anggotana umma'-Ku.

1 SAMUEL 15:23

Saba' ateddereng atié lao ri Puwangnge padai jana pogau'é séhéré, sibawa ati matempoé padai jana massompa déwata. Nasaba purai Datu naéwa paréntana Puwangnge, nadé' tona nangakui Puwangnge Datu selaku arung.”

1 SAMUEL 25:1

Dé' namaitta rimunrinna maténi Samuél. Maddeppungeng manenni Israélié untu' maccowériwi upacara abbaratangngé. Nainappa rikuburu ri bolana ri Rama. Purairo laoni Daud ri padang kessi Paran.

1 SAMUEL 28:9

Nappébali iyaro makkunraié, “Tentu naisseng toni Puwang makkedaé Arung Saul pura paddésu' manengngi polé ri Israélié pangobbi waliyalaé sininna pappalakiyaé sibawa sanro pangobbi waliyalaé. Magi Puwang nacobai cilakaika angkakku riyuno?”

1 SAMUEL 7:17

Purairo lisuni ri bolana ri Rama. Kuwaniro mancaji hakinna tau Israélié sibawa patettong towi séddi mézba untu' Puwangnge.