1 SAMUEL 27:2 - KITTA KAREBA MADECENG

² Namasitta'na Daud silaong iya enneng ratuna ana' buwana lao ri Akhis ana' Moah, arunna kota Gat.

1 SAMUEL 27:2 ပူးပေါင်းရင်းမြစ်များ

1 TAWARIKH 12:1

Wettunna Daud lari polé ri Arung Saul, massalai ri Ziklag. Maéga pajuwang iya matinulué sibawa mappangalamangngé polé masséddi sibawa Daud.

1 SAMUEL 21:10

Iyatoro essoé nalari Daud polé ri Saul, nanalettu'na ri Akhis, arunna kota Gat.

1 SAMUEL 21:11

Ripaissengini Akhis risining pegawénna makkuwaé, “Tenniyaga iyaé Daud, arung ri wanuwanna? Sibawa tenniyaga untu' aléna sining makkunraié wettuéro séré-séré sibawa makkélong towi makkuwaé, ‘Saul mpunoi massebbu-sebbu bali, iyakiya Daud mappulo-pulo sebbu?’ ”

1 SAMUEL 25:13

Napparéntana Daud, “Tappii peddammu tungke'-tungke'!” Masitta'ni ana' buwana turusiwi paréntaéro. Natappi toni peddanna Daud nanajoppa silaong kira-kira 400 tau, na 200 tau monro untu' monrowangngi barab-barangngé.

1 SAMUEL 30:8

Nainappa makkutanani Daud ri Puwangnge, “Harusu'ka'ga lellungngi garembolang paggasaéro? Uwulléga rapii mennang?” Nappébali Puwangnge, “Ya, lellungngi; murapii matu mennang sibawa paleppe'i sininna tawanangngé.”

1 SAMUEL 30:9

Nanajoppana Daud silaong iya enneng ratuna ana' buwana. Wettunna mennang lettu ri Salo Bésor, napatteruni Daud joppana silaong 400 tau; na iya 200 tau laingngé monroi kuwaro. Nasaba poso senna'i sibawa dé'na naulléi malléttoiwi Salo Bésor.