1 SAMUEL 27:1 - KITTA KAREBA MADECENG

¹ Mappikkiri'ni Daud ri laleng atinna, “Muwi maga séuwa esso naunoka matu Saul. Jaji, dé'na gaga laleng laing ri aléku, sangadinna lari lao ri daéra Filistin. Nanallalengiro dé'na nasappaka matu Saul ri Israélié, sibawa amang tona matu.”

1 SAMUEL 27:1 ပူးပေါင်းရင်းမြစ်များ

1 ARUNG-NGARUNG 12:26

Mappikkiri makkuwaiyé ri laleng atinna, “Rékko tette'i ra'ya'é lao ri Yérusalém untu' makkasuwiyangeng akkarobangeng ri Bolana Puwangnge pada-pada iya napogau'é mennang makkekkuwangngéwé, lisui matu mennang sokongngi Réhabéam, arunna Yéhuda, nainappa naunoka.”

1 ARUNG-NGARUNG 12:28

Purana natimbang gau'éro, mébbuni duwa dato-dato saping ulaweng nainappa makkeda lao ri ra'ya'é, “Bangsa Israélié! Cuku'ni ittana laoko ri Yérusalém untu' massompa. Makkekkuwangngé, iyanaé déwata-déwatamu iya puraé tiwiko massu polé ri Maséré!”

1 ARUNG-NGARUNG 19:3

Métauni Elia, nainappa lari kuwammengngi dé' nariyuno. Laoni silaong pattumaninna ri Bersyéba ri Yéhuda. Kuwaniro nasalai pattumaninnaro,

2 TAWARIKH 25:17

Amazia arung Yéhuda silaong sining pappangajana sikongkolo'ni méwai Israél. Kirinni suro lao ri Yoas arung Israél, ana' Yoahas, eppona Yéhu, untu' méwai mammusu.

MAZMUR 116:11

Ri laleng amalingekku makkedaka, “Dé' muwi séddi tau wedding riyatepperi.”

MAZMUR 55:7

Ebara'na makképannika pada-pada jangang-jangangngé, maéloka luttu sappa onrong iya tennangngé.

ASSURENG 14:12

Pura ripowadani riyolo ri Maséré makkedaé kajajiyangngi matu iyaé gau'é! Pura maddessa'ki kuwammengngi aja' mugangguki, iyakiya leppessakki tette mancaji ata ri Maséré. Lebbi kessing muwi mancaji ata kuwaro naiya maté ri padang kessi'éwé!”

AMSAL 13:12

Rékko paddennuwangngé dé' naripennoi, maddéké-rékéi baténgngé; rékko ritarimai cinnaé, masennangngi atié.

YESAYA 51:12

Makkedai Puwangnge, “Iyya ritu saléworiko. Magi mumaélo lao ri tolino iya dé'é namannennungeng, lao ri tolino iya riyabbéyangngé pada-pada wellaé?

ABBILANGENG 14:3

Untu' aga natiwiki Puwangnge ri wanuwaéro? Matéki matti ri laleng ammusurengngé na sining bainéta enrengngé ana'-ana'ta ritawangngi. Dé'ga nalebbi kessing muwi lisuki ri Maséré!”

MATIUS 14:31

Naloro'ni masitta limanna Yésus nanatikkengngi, sibawa makkeda, “Pétrus, Pétrus, makurang teppe'ko. Magi mubata-bata ri alé-Ku?”

MARKUS 4:40

Nainappa makkeda Yésus lao ri ana'-ana' gurun-Na, “Magi mumétau? Magi nadé' mumateppe lao ri Iyya?”

2 KORINTUS 7:5

Muwi wettutta lettu ri Makedonia, dé' sises-siseng gaga wettutta mappésau. Polé tulili lolongekki asukkarakeng: polé ri laingngé assasang, napolé ri laleng atié muto iyanaritu amétaureng.

1 SAMUEL 16:1

Siyagangngaré wettu rimunrinna makkedani Puwangnge lao ri Samuél, “Siyagapi ittana messé atiko nasaba Saul? Dé'ga na aléna tenriyangakuini selaku arunna Israélié? Makkekkuwangngé, alano minnya zaitun namulao ri Bétléhém, riséddié tau riyasengngé Isai, nasaba sala séddinna polé ri ana'-ana'na purani Upilé mancaji arung.”

1 SAMUEL 16:13

Masitta'ni Samuél malai minnya zaitungngéro nanalanti'i Daud sibawa upacara amminnyakeng ri yolona kaka-kakana. Iyatoro wettué narikuwasai Daud ri Rohna Puwangnge. Mappammulai essoéro sibawa matteru risibawanni ri Rohna Puwangnge. Nainappa lisuni Samuél ri Rama.

1 SAMUEL 20:3

Nappébali Daud, “Naisseng madécéng ambo'mu makkedaé mupojika. Jaji pasti dé' namaélo paissengiko gau'éro kuwammengngi dé' mumessé. Muwi pékkugi, nasabbing Puwang iya tuwoé, sitongenna atuwokku pada-padai ittelloé ri cappa tanru'é!”

1 SAMUEL 22:5

Riséuwaé esso engka séddi nabi riyaseng Gad lao ri Daud sibawa makkeda, “Aja' muwonro ri gowaéwé, laono masitta ri tana Yéhuda.” Nalaona Daud sibawa muttama ri ale' Kérét.

1 SAMUEL 23:17

Adanna Yonatan lao ri Daud, “Aja' mumétau, dé' musempé matu ri limanna ambo'ku. Naisseng madécéng aléna makkedaé iko ritu matu mancaji arunna Israélié sibawa lolongekka matu tudangeng ri yawamu.”

1 SAMUEL 25:30

Napogau'i matu Puwangnge sininna makessingngé iya najjanciyangngé lao ri Puwakku, sibawa dé'na namaittana naripancaji Puwakku arung ri Israélié.

1 SAMUEL 26:19

Datu, éngkalingai assompanna atattaé. Ebara'na Puwangnge suroi Datu kuwammengngi naéwai atatta, séuwa pakkasuwiyang akkarobangeng wedding pasoroi matu cai-Na lao ri atatta. Iyakiya ébara'na iya suroéngngi Daturo iyanaritu tolino, tennapodo ritanroiwi ri Puwangnge! Nasaba addimonrinna polé ri pangkaukenna mennanro, ripaddésu'ni atatta polé ri tana appunnangenna Puwangnge sibawa tarapassa harusu lao ri wanuwa laingngé kégi atatta harusu massompa lao ri déwata-déwata laingngé.

1 SAMUEL 29:2

Iya lima arung Filistingngé majuni mabbarisi sibawa passéddiyang-passéddiyang iya tungke'-tungke'é polé risératu sibawa sisebbu tau; Daud sibawa ana' buwana mabbarisi ri monri silaong arung Akhis.

1 SAMUEL 29:3

Sining pallimana tau Filistingngé mitai mennang nainappa makkutana, “Iyaro sining tau Ibranié untu' aga kuwaé?” Nappébali Akhis, “Iyanaé Daud, pegawénna riyolo Arung Saul polé ri Israélié. Maitta-ittani monro ri iyya. Sipongenna lao ri iyya lettu essoéwé, dé'pa ulolongengngi pasala.”