1 SAMUEL 26:6 - KITTA KAREBA MADECENG

⁶ Namakkutana Daud ri Ahimélékh tau Hét-éro, sibawa ri Abisai silessurenna Yoab (Indo'na mennang iyanaritu Zéruya), “Niga barani muttama silaongekka ri laleng akkémanna Saul?” Nappébali Abisai, “Iyya!”

1 SAMUEL 26:6 ပူးပေါင်းရင်းမြစ်များ

KAJAJIYANG 10:15

Ana'-ana'na Kanaan, iyanaritu Sidon, iya macowaé, sibawa Hét.

KAJAJIYANG 15:20

Hét-é, Féris-é, Réfaingngé,

KAJAJIYANG 23:3

Purairo nasalaini Abraham ujuna bainénaro nalao risining tau Hét-é, iya monroiyéngngi wanuwaéro. Makkedani,

KAJAJIYANG 26:34

Wettunna Esau makkéumuru patappulo taung, kawinni sibawa duwa ana'dara polé ri suku bangsa Hét-é, iyanaritu Yudit ana' Beeri, sibawa Basmat ana' Elon.

2 SAMUEL 11:21

Muwallupainiga pékkugi Abimélékh ana' Gidéonro riyuno ri Tébes? Dé'ga namaté nasaba séddi makkunrai maggenrungeng batu allélureng labbu polé ri yasé'na témbo'é lao ri aléna? Jaji, mangi muwaddéppé makkuwa ri témbo'éro?’ Rékko makkutana makkuwairo Datu, powadanni, ‘Uria parawirana Datu, maté towi!’ ”

2 SAMUEL 11:24

Nainappa polé ri yasé'na témbo'é napanaki mennang, nasiyagangngaré polé ri parawirana Datu muttama'ni Uria maténi.”

2 SAMUEL 11:6

Masitta'ni Daud kiring parénta lao ri Yoab, adanna, “Suroi Uria tau Hét éro lao ri iyya.” Narisurona Uria ri Yoab méwai sita Daud.

2 SAMUEL 12:9

Magi nadé' mubati-batiwi parénta-parénta-Ku? Magi mupogau'i iyaro jaé? Muwassurompunoi Uria ri laleng ammusurengngé; muleppessangngi riyuno ri tau Amongngé, namuwalai bainéna!

2 SAMUEL 18:5

Nainappa napparéntang arungngé lao ri Yoab, Abisai sibawa Itai, adanna, “Aja' muloi Absalom kalloloéro nasaba iyya.” Sininna pasukangngé naéngkalingai paréntana Daudro.

2 SAMUEL 2:13

Makkuwatoro Yoab (indo'na riyaseng Zéruya), silaong ana' buwana Daud mattuju ri kotaéro. Iya duwa regu siyéwaéro siyolongngi ri kullang Gibéon; Abnér sibawa ana' buwana tudang ri liweng kumaiyé, Yoab sibawa ana' buwana ri liweng kuwaro.

2 SAMUEL 2:18

Iya tellu ana'na Zéruya engkai kuwaro, iyanaritu Yoab, Abisai sibawa Asaél. Larinna Asaél magatti pada-pada jongaé,

2 SAMUEL 23:18

Iya telluppulo parawira iya tarompoéro riyaseng towi “Tridasawira”. Ripimpingngi mennang ri Abisai anrinna Yoab, ana'na Zéruya. Engka naengka nauno tellu ratu tau sibawa bessinna. Rimakkuwannanaro, namancaji tarompo. Iyakiya dé' napada-pada héba'na “Triwira”.

1 ARUNG-NGARUNG 10:29

sibawa karéta-karéta musué ripakangkai polé ri Maséré. Ellinna séddi anyarangngé 150 dowi péra', sibawa ellinna karéta musué 600 dowi péra'. Nainappa naola towi sining pangusahaéro iyaro sining anyarangngé sibawa karéta musué nabalu'i paimeng lao ri arung-ngarung Hét-é sibawa arung-ngarung Siriaé.

2 ARUNG-NGARUNG 7:6

Saba' Puwangnge pura mébbui tau Siriaé méngkalingai oni pada-padaé paggasana séuwaé pasukang battowa iya makkinnyarangngé sibawa makkaréta. Iyaro sining tau Siriaé nasengngi arung Israélié purani naséwa arung Hét sibawa Maséré silaong tentarana untu' gasai mennang.

YOSUA 3:10

Rékko malluruko matti, pasti Puwangnge paddésu'i tau Kanaangngé, Hét-é, Héwié, Féris-é, Girgasié, Amorié sibawa Yébus-é. Na wettunna Petti Assijancinna Puwang sininna alangngé malléttoiwi Yordan poddiyoloiko, muwitai matu makkedaé Allataala iya tuwoé engkai ri tengnga-tengngamu.

1 SAMUEL 26:7

Na iyaro wennié coco'ni Daud sibawa Abisai muttama ri akkémangngéro nanaitai Saul matinro ri tengnga-tengngana akkémangngé, bessinna maddince ri tanaé ri seddéna ulunna. Abnér sibawa pasukanna ri mattulilinna Saul.