1 SAMUEL 26:10 - KITTA KAREBA MADECENG

¹⁰ Nasabbing Puwang iya tuwoé, uwisseng makkedaé aléna Puwangnge matti mpunoi matu Saul, narékko narapini ajjalenna, iyaré'ga rékko matéi ri laleng ammusurengngé.

1 SAMUEL 26:10 ပူးပေါင်းရင်းမြစ်များ

KAJAJIYANG 47:29

Macawé'nana wettunna maélo maté, naobbini Yusuf, ana'naro, nanakkeda lao ri aléna, “Palénne'ni limammu ri yelle'na poppoppakku sibawa mattanro makkedaé dé' mumaélo kuburu'ka ri Maséré'é.

AYUB 14:14

Saba', rékko matéi tolinoé, naulléga tuwo paimeng? Polé ri essoé lao ri essoé mattajekka narapi labe iyaé wettu apairekku.

AYUB 14:5

Pura Mupattentuni jumellana umuru'na tolinoé; jumella ulenna purani Mupastikang. Mupattette towi pakkaséséng atuwonna; dé' namakkullé najjalékkai.

AYUB 7:1

Iyaro tolinoé pada-padai ripassaé méwa; matane atuwonna pada-pada atuwonna tau ripéssaroiyé;

MAZMUR 37:10

Lennye'i matu tau majaé sibawa masitta, rékko risappai, dé'ni gaga.

MAZMUR 37:13

Iyakiya Puwangnge cawa-cawaiwi tau majaé, saba' Naissenni macawé'ni accappurenna iyaro tauwé.

MAZMUR 94:23

Nahukkungngi tau majaé situru jana, sibawa mammekkoi mennang nasaba dosana. Puwang Allataalata pammekkoi matu mennang.

PAKKATOBBA 3:2

Allataala pattentui untu' mémmana sibawa wettu untu' maté, wetu untu' mattaneng sibawa wettu untu' mabbébbu,

LUKAS 18:7

Dé'ga Allataala naéwaiwi matu parakarana umma'-Na iya mangobbié ri Aléna esso wenni? Aga matengnge'gika matu Aléna untu' tulungngi mennang?

ROMA 12:19

Saudara-saudaraku! Aja' sises-siseng muwakkabale, leppessangngi Allataala pahukkung. Saba' ri laleng Kitta'é tarokii, “Iyya ritu makkabale'. Iyya maélo hukkungngi, adanna Puwangngé.”

ULANGENG 31:14

Nainappa makkeda Puwangnge lao ri Musa, “Dé'na namaittana atuwommu. Jaji, obbini Yosua namutiwii ri Kéma-Ku, kuwammengngi weddik-Ka mpéréngngi panunju-panunju.” Nanalaona Musa sibawa Yosua ri Kémana Puwangnge,

ULANGENG 32:35

Puwangnge mpale'i matu sibawa hukkungngi mennang, dé'na namaitta nabinasa mennang; wettu ancurukenna mennang dé'na namaitta napolé.

IBRANI 10:30

Taisseng niga Aléna iya makkedaé, “Maélo-Ka makkabale! Maélo-Ka pahukkung!” Sibawa iya makkedaétto, “Puwangngé maélo madélékiwi umma'-Na.”

IBRANI 9:27

Purani napattette Allataala makkedaé sisemmi maté rupa tauwé napurairo riadélékiwi ri Allataala.

WAHYU 18:8

Nasaba gau'éro, na ri laleng si esso bawang nanakennai matu abala – lasa, atassinnaureng, sibawa akkadéreng. Enrengngé riyangurenngi matu sibawa api, saba' Puwang Allataala iya madélékiyéngngiro makuwasa senna'i.”

1 SAMUEL 24:12

Itani, ambo'ku! Itani addettekeng jumba Datu iya nakkatenningngé atattaé! Sitongenna naullé atatta mpunoi Datu, iyakiya atatta banna narette'i céddé wiring jumba Datu. Jaji, manessani makkedaé atatta dé' namakkatta maja iyaré'ga madoraka. Nalellungngi Datu atatta untu' mpunoi atatta, namuni atatta dé' napasala muwi céddé lao ri Datu.

1 SAMUEL 24:15

Pénessaini atattaé iya maéloé riyuno ri arunna Israélié! Itani atattaé iya tuli rilellungngé! Atatta banna sikaju asu maté, séddimi utu bawang.

1 SAMUEL 25:26

Allataala pura pésangkaiwi Puwakku makkabale sibawa mpunoi sining balinna Puwang. Na makkekkuwangngé Puwakku, nasabbing Puwang iya tuwoé, mattanroi atatta, tennapodo totona sininna balinna Puwakku sibawa tungke' tau iya maéloé cilakaiwi Puwakku pada-padai totona Nabal.

1 SAMUEL 25:38

Kira-kira seppulo esso rimunrinna lolongessi Nabal serangang jantung polé ri Puwangnge angkanna maté.

1 SAMUEL 25:39

Wettunna naéngkalinga Daud makkedaé maténi Nabal, makkedani, “Ripojiwi Puwangnge! Nawale'ni pappakatuna iya napaogau'é Nabal lao ri iyya, sibawa napésangkainna atan-Na pogau'i majaé. Puwangnge hukkungngi Nabal nasaba jana.” Nainappa kiring Daud suro lao ri Abigail untu' lettukiwi mancaji bainéna.

1 SAMUEL 31:4

Namakkeda Saul lao ri kallolo iya tiwiéngngi senjatana, “Rampui peddammu namugajakka, kuwammengngi aja' nariyacculé-culéika sibawa riyunu risining tau iya temmissengngéngngi Puwang-ngéro.” Iyakiya iyaro kalloloé dé' namaélo gajangngi, nasaba napakalebbi senna'i. Rimakkuwannanaro nalani Saul peddanna nanaparebbai aléna ri yasé'na mata peddannaro.

1 SAMUEL 31:6

Makkuwaniro Saul silaong iya tellu ana' worowanéna, sibawa sininna ana' buwana enrengngé kalloloéro maté riséddié essoro.