1 SAMUEL 23:4 - KITTA KAREBA MADECENG

⁴ Rimakkuwannanaro siseppi Daud méllau panunju polé ri Puwangnge, namappébali Puwangnge, “Aja' mubata-bata. Gasai kota Kéhila, nasaba iyaro tentara Filistingngé uwabbéréngngi matu lao ri iko.”

1 SAMUEL 23:4 ပူးပေါင်းရင်းမြစ်များ

2 SAMUEL 2:1

Purairo makkutanani Daud lao ri Puwangnge, “Napuwéloga Puwangnge laoka makuwasaiwi sala séddinna kotaé ri Yéhuda?” Nappébali Puwangnge, “Ya.” Nakkutana Daud, “Kota kéga?” Nappébali Puwangnge, “Hébron.”

2 SAMUEL 5:19

Makkutanani Daud ri Puwangnge, “Harusu'ka'ga gasai tau Filistingngéro? Aga Muwérékka matu apakalang?” Nappébali Puwangnge, “Gasani! Uwérékko matu apakalang!”

2 ARUNG-NGARUNG 3:18

Nainappa makkeda Elisa patterui, “Iyakiya iyaro banna parakara baiccu lao ri Puwangnge. Maélo towi mpérékko apakalang lao risining tau Moab-é.

1 TAWARIKH 14:10

Naéngkalingana iyaro makkutanani Daud lao ri Allataala, “Puwang, harusu'ka'ga gasai tau Filistingngéro? Maéloki'ga Puwang mpérékka apakalang?” Nappébali Puwangnge, “Ya, gasani! Maélo-Ka mpérékko apakalang!”

YOSUA 8:7

Ri wettuénnaro harusu'ko massu polé ri onrong allekkekemmu, sibawa sittaiwi kotaéro. Puwang Allataalamu mabbéréyangngi matu lao ri iko.

HAKING-HAKING 6:39

Nainappa makkeda lao ri Allataala, “Puwang, aja' tamacai rékko mabbicarapa siseng. Palaloka mébbu séddipa percobaang sibawa bulu bimbala pura goncingngéwé. Iyakiya iyaé sisengngé sitinajai iyaé bulu bimbala'é tette'i marakko, na tanana marica'i.”

HAKING-HAKING 7:7

Namakkeda Puwangnge lao ri Gidéon, “Nasibawang iya telluratu tau lépe'éngngi uwaiéro, maélo-Ka paleppe'ko sibawa mpérékko apakalang lao ri tau Midiangngé. Suroni laingngé lisu.”

HAKING-HAKING 7:9

Iyaro wennié makkedai Puwangnge lao ri Gidéon, “Oto'no, Gidéon! Laono gasai akkémanna tau Midiangngé. Uwérékko apakalang lao ri mennang.

1 SAMUEL 10:22

Rimakkuwannanaro makkutanani sining tauwé ri Puwangnge, “Oh Puwang, engkaniga iyaro tauwé kuwaé?” Nappébali Puwangnge, “Massubbui Saul ri munrinna barab-barang perlengkapangngé.”

1 SAMUEL 23:2

Namakkutanana ri Puwangnge, “Harusu'ka'ga lao gasai tau Filistingngé?” Nappébali Puwangnge, “Ya, gasai mennang sibawa passalama'i pabbanuwana Kéhila.”

1 SAMUEL 23:3

Iyakiya makkedai ana' buwana Daud lao ri aléna, “Sedangkang kuwaé, ri Yéhuda, métau senna'ki; apalagi rékko harusu'ki lao gasai tentara Filistingngé ri Kéhila.”

1 SAMUEL 23:5

Nanalaona Daud sibawa ana' buwana ri Kéhila nanagasai enrengngé naunoi maéga tau Filistin, sibawa narampasa'i olokolo'na mennang. Makkuwaniro Daud paleppe'i pabbanuwana kotaéro.

1 SAMUEL 28:6

Nainappa méllau panunju ri Puwangnge, iyakiya dé' naribali ri Puwangnge, muwi sibawa nippi iyaré'ga sibawa makkégunang Urim sibawa Tumim iyaré'ga naolai sining nabié.

1 SAMUEL 30:8

Nainappa makkutanani Daud ri Puwangnge, “Harusu'ka'ga lellungngi garembolang paggasaéro? Uwulléga rapii mennang?” Nappébali Puwangnge, “Ya, lellungngi; murapii matu mennang sibawa paleppe'i sininna tawanangngé.”