1 SAMUEL 23:3 - KITTA KAREBA MADECENG

³ Iyakiya makkedai ana' buwana Daud lao ri aléna, “Sedangkang kuwaé, ri Yéhuda, métau senna'ki; apalagi rékko harusu'ki lao gasai tentara Filistingngé ri Kéhila.”

1 SAMUEL 23:3 ပူးပေါင်းရင်းမြစ်များ

MAZMUR 11:1

Untu' pamimping kor. Mazmurna Daud. Mallinrukka ri Puwangnge; dé'gaga akkégunana makkeda lao ri iyya, “Passalama'i alému pada-pada manu'-manu' iya luttué lao ri bulué.

YEREMIA 12:5

Makkedai Puwangnge, “Yérémia, rékko posono makkabéttang sibawa tolinoé, pékkugi weddikko makkabéttang sibawa anyarangngé? Rékko ri tana iya amangngé métauko, aga maélo mupogau' rékko engkako ri alekale'é ri wirinna Yordan?

1 SAMUEL 23:15

Namuni makkuwaro métau mutowi Daud, nasaba manniya'i Saul maélo mpunoi. Riséuwaé wettu engkai Daud ri Horés, ri padang kessi Zif.

1 SAMUEL 23:2

Namakkutanana ri Puwangnge, “Harusu'ka'ga lao gasai tau Filistingngé?” Nappébali Puwangnge, “Ya, gasai mennang sibawa passalama'i pabbanuwana Kéhila.”

1 SAMUEL 23:23

Jaji paréssai madécét-décéng gowa-gowa iya puraé mancaji onrong assubbuwanna, namulisu kumaiyé untu' laporo'i ri iyya. Nainappa maéloka lao sibawa iko, narékko engka mupi ri daéraéro, pasti usappai matu, namuni harusu'i upatassiya-siya sininna Yéhuda!”

1 SAMUEL 23:26

Joppani Saul sibawa tentarana ri wiring bulué tibang kumaiyé na Daud sibawa ana' buwana ri wiring tibang kuwaro. Mappéri-perini Daud paleppe'i aléna polé ri Saul iya mammulaénna makkeppung maélo tikkengngi mennang.

1 SAMUEL 23:4

Rimakkuwannanaro siseppi Daud méllau panunju polé ri Puwangnge, namappébali Puwangnge, “Aja' mubata-bata. Gasai kota Kéhila, nasaba iyaro tentara Filistingngé uwabbéréngngi matu lao ri iko.”