1 SAMUEL 23:2 - KITTA KAREBA MADECENG

² Namakkutanana ri Puwangnge, “Harusu'ka'ga lao gasai tau Filistingngé?” Nappébali Puwangnge, “Ya, gasai mennang sibawa passalama'i pabbanuwana Kéhila.”

1 SAMUEL 23:2 ပူးပေါင်းရင်းမြစ်များ

2 SAMUEL 2:1

Purairo makkutanani Daud lao ri Puwangnge, “Napuwéloga Puwangnge laoka makuwasaiwi sala séddinna kotaé ri Yéhuda?” Nappébali Puwangnge, “Ya.” Nakkutana Daud, “Kota kéga?” Nappébali Puwangnge, “Hébron.”

2 SAMUEL 5:19

Makkutanani Daud ri Puwangnge, “Harusu'ka'ga gasai tau Filistingngéro? Aga Muwérékka matu apakalang?” Nappébali Puwangnge, “Gasani! Uwérékko matu apakalang!”

2 SAMUEL 5:23

Siseppi Daud méllau panunju ri Puwangnge. Nappébali Puwangnge, “Aja' mugasai mennang polé kuwaé, iyakiya joppano maccenné namugasai polé ri munri, ri seddéna ajukajung murbéié.

1 TAWARIKH 14:10

Naéngkalingana iyaro makkutanani Daud lao ri Allataala, “Puwang, harusu'ka'ga gasai tau Filistingngéro? Maéloki'ga Puwang mpérékka apakalang?” Nappébali Puwangnge, “Ya, gasani! Maélo-Ka mpérékko apakalang!”

MAZMUR 32:8

Adanna Puwangnge, “Ujellokekko matu laleng iya harusu'é uwola, Upimpikko matu sibawa Upangajari.

YEREMIA 10:23

Puwang, uwisseng dé' muwi séddi tau makuwasa pattentui totona iyaré'ga paturui laleng atuwonna.

ABBILANGENG 27:21

Harusu'i Yosua méllau tangnga polé ri Imang Eléazar, na Eléazar harusu makkutanangngi élo-Ku sibawa pakéi Urim sibawa Tumim. Nasibawang caraéro Eléazar pimpingngi Yosua sibawa sininna bangsa Israélié ri laleng sininna parakaraé iya naoloiyé.”

YOSUA 9:14

Nanatarimani céddé sining tau Israélié inanréna sining tau Gibéongngéro, sibawa temmakkutana ri Puwangnge passalenna gau'éro.

HAKING-HAKING 1:1

Maténana Yosua, makkutanani umma Israélié lao ri Puwangnge, “Puwang, suku kégaénna polé ri idi harusu bunge-bunge lao gasai tau Kanaangngé?”

1 SAMUEL 10:22

Rimakkuwannanaro makkutanani sining tauwé ri Puwangnge, “Oh Puwang, engkaniga iyaro tauwé kuwaé?” Nappébali Puwangnge, “Massubbui Saul ri munrinna barab-barang perlengkapangngé.”

1 SAMUEL 14:37

Namakkutanana Saul ri Allataala, “Weddikka'ga gasai tau Filistingngé? Muwabbéréyagga matu lao ri limanna Israélié?” Iyakiya iyaro essoé dé' naribali ri Allataala.

1 SAMUEL 23:3

Iyakiya makkedai ana' buwana Daud lao ri aléna, “Sedangkang kuwaé, ri Yéhuda, métau senna'ki; apalagi rékko harusu'ki lao gasai tentara Filistingngé ri Kéhila.”

1 SAMUEL 23:4

Rimakkuwannanaro siseppi Daud méllau panunju polé ri Puwangnge, namappébali Puwangnge, “Aja' mubata-bata. Gasai kota Kéhila, nasaba iyaro tentara Filistingngé uwabbéréngngi matu lao ri iko.”

1 SAMUEL 23:6

Wettunna Abyatar ana' Ahimélékh lari lao ri Daud, enrengngé silaongengngi Daud lao ri Kéhila, natiwi towi éfod-é.

1 SAMUEL 30:8

Nainappa makkutanani Daud ri Puwangnge, “Harusu'ka'ga lellungngi garembolang paggasaéro? Uwulléga rapii mennang?” Nappébali Puwangnge, “Ya, lellungngi; murapii matu mennang sibawa paleppe'i sininna tawanangngé.”