1 SAMUEL 22:7 - KITTA KAREBA MADECENG

⁷ makkedani lao ri sininna parawiranaro, “Engkalingai, éh sining tau Bényamingngé! Aga iyaro Daud maéloi mpérékko dare sibawa palla anggoro? Aga nakka manekko matu mancaji parawira ri laleng tentarana?

1 SAMUEL 22:7 ပူးပေါင်းရင်းမြစ်များ

2 SAMUEL 18:1

Napaddeppungenni Arung Daud sininna ana' buwana, nainappa nabagé mancaji passéddiyang-passéddiyang tassisebbué sibawa tassératué tau. Nainappa makka parawira-parawira untu' kapalaiwi passéddiyang-passéddiyangngéro.

2 SAMUEL 20:1

Ri kota Gilgal engka séddi tau pangacau asenna Séba. Ana'nai Bikri, polé ri suku Bényamin. Wettunna attinro-tinrosenna Daud polé, naseppunni Séba tarompé'é sibawa gora, “Idi dé' gaga assimpungetta sibawa Daud. Untu' aga tamaccowé ri aléna? Eh tau Israélié, ayo talisu!”

1 ARUNG-NGARUNG 12:16

Wettunna ra'ya'é naita makkedaé dé' namaélo arungngé méngkalingai mennang, gorani mennang, “Paduli aga sibawa Daud nenniya wija-wijanna! Dé' aga-aga pura napogau' untu' idi. Ra'ya' Israél, laono mai talisu! Leppessangngi Réhabéam murusu'i aléna!” Nanalisuna ra'ya' Israélié,

1 TAWARIKH 12:16

Engka séuwa wettu sikalompo tau polé ri suku Bényamin sibawa Yéhuda lao ri bénténg naonroiyé Daud.

YESAYA 11:1

Akkarungenna Arung Daud pada-padai aju iya puraénna ritubbang. Iyakiya pékkugi polé ri tona tuwoi cura' baru, makkuwatoro polé ri wija-wijanna Daud mompoi matu séddi arung.

YESAYA 11:10

Narapii matu wettunna séddi arung wija-wijanna Daud mancaji poko' perhatiyanna bangsa-bangsaé. Poléi matu mennang ri aléna, sibawa onrong naonroiyé ripoji-pojiwi matu.

1 SAMUEL 18:14

Naulléi pogau'i sininna tugasna, saba' Puwangnge tulungngi.

1 SAMUEL 20:27

Ri esso rappina, iyanaritu esso maduwaé Uleng Barué, kadérana Daud lobbang mupi, namakkutana Saul ri Yonatan, “Magi wenni sibawa essoéwé dé'i gaga Daud ri anréngngé?”

1 SAMUEL 20:30

Naéngkalinganaro macai senna'ni Saul lao ri Yonatan sibawa makkeda ri aléna, “Ana' harang! Uwissenni makkekkuwangngé makkedaé maccowéko ri Daud sibawa pakasirii alému sibawa indo'mu!

1 SAMUEL 22:13

Nakkutana Saul ri aléna, “Magi musipekke Daud méwaka? Magi mupabokongiwi roti sibawa muwéréngngi peddang enrengngé muwéllaungengngi panunju polé ri Allataala? Jaji makkekkuwangngé naéwaka sibawa mattajenni kasempatang untu' mpunoka.”

1 SAMUEL 22:9

Doég kapala pakkampi olokolo'na Saul, engka towi kuwaro silaong sining parawirana Saul, nanakkeda Doég, “Atatta pura mitai Daud lokkaiwi Ahimélékh ana' Ahitub ri Nob.

1 SAMUEL 25:10

Iyakiya mappébaliwi Nabal, “Daud? Niga iyaro? Niga iyaro ana' Isai? Dé'pa naengka uwéngkalingai passalenna aléna! Iyaé céddé-céddé'é maéga ata iya lariyé polé ri puwanna ri wanuwaéwé!