1 SAMUEL 22:3 - KITTA KAREBA MADECENG

³ Polé ri gowaéro laoni Daud ri Mizpa ri Moab sibawa makkeda lao ri arunna wanuwa Moab, “Palaloni ambo' sibawa indo'na atatta monro ri Puwakku, narapi naisseng atatta aga akkattana Allataala lao ri atatta.”

1 SAMUEL 22:3 ပူးပေါင်းရင်းမြစ်များ

KAJAJIYANG 47:11

Nabantuni Yusuf ambo'na sibawa silessu-silessurenna mattette ri Maséré. Nawéréngngi mennang tana selaku appunnangeng ri bagiyang iya kaminang makessingngé ri wanuwaéro, ri seddéna kota Raamses, situru sibawa paréntana arungngé.

2 SAMUEL 8:2

Nacau towi Daud tau Moab-é. Nasuroi mennang léwu ri tanaé, nainappa nauno duwa tau ri yelle'na tellu tau. Jaji, tunru'ni tau Moab-é lao ri Daud sibawa makkamaja pakkasuwiyang lao ri aléna.

ASSURENG 20:12

Pakalebbii ambo' indo'mu, kuwammengngi musaléwangeng sibawa malampé umuru ri wanuwa iya Uwéréngngékko matu.

1 TIMOTIUS 5:4

Iyakiya rékko séddié janda mappunnai ana'-ana' iyaré'ga eppo-eppo, mennang ritu lebbi riyolo harusu riwéréng pappahang makkedaé waji'i mennang jampangiwi kaluwargana, sibawa mpale'i pappédécénna tomatowanna sibawa nénéna mennang. Nasaba gau'énnaro pésennangiwi atinna Allataala.

HAKING-HAKING 11:29

Narikuwasaina Yéfta ri Rohna Puwangnge. Nalaona Yéfta célléngiwi daéra Giléad sibawa Manasyé nainappa lisu ri Mizpa ri Giléad. Polé kuwaro napatteruni joppana ri daérana bangsa Amongngé.

RUT 4:10

Ri lainnaéro uwala towi Rut, makkunrai Moab-é, jandana Mahlonro mancaji bainéku. Nanallalengiwi iyaro tanaé tette'i mancaji appunnangenna kaluwargana tau iya matéénnaro. Na wija-wijanna tette towi engka ri yelle'na sumpulolona sibawa ri kotana. Engngerangngi Saudara-saudara, iyaé essoé iko maneng mancaji sabbinna.”

RUT 4:17

Sining makkunrai bali-bali bolana mennang masengngi iyaro ana'é Obéd. Lao ri tungke tau makkedai, “Mappunnaini Naomi séddi ana' worowané!” Obéd iyanaé rimunri mancaji ambo'na Isai, na Isai iyanaritu ambo'na Daud.

1 SAMUEL 14:47

Mancajinnana Saul arunna Israélié, mammusuni kégi-kégi méwai sining balinna Israélié, iyanaritu tau Moab, tau Amon, sibawa tau Edom, arunna tau Amongngé, sibawa tau Edongngé, arung-ngarunna wanuwa Zoba, sibawa tau Filistingngé. Kégi-kégi mammusu, tuli pakalai.

1 SAMUEL 22:2

Makkuwatoro sining tau ritenre'é, iya mappunnaiyé inreng, sibawa iya marasa dé'é namasennang, iya manenna masséddini sibawa Daud, na Daud mancaji pamimpinna mennang. Jumellana tau maccowériyéngngi Daud engka kira-kira 400 tau.

1 SAMUEL 22:4

Nanatiwini iyaro tomatowanna ri arunna wanuwa Moab, namattette'na mennang kuwaro ri wettu massubbunna Daud ri gowaéro.

1 SAMUEL 3:18

Nainappa Samuél paissengi manengngi iyaro Eli. Dé' gaga muwi séddi iya narahasiyakangngé. Nainappa makkedani Eli, “Aléna Puwang, leppessanni Napogau' aga iya Naangga'é makessing.”