1 SAMUEL 22:18 - KITTA KAREBA MADECENG

¹⁸ Rimakkuwannanaro makkedani Saul lao ri Doég, “Ayo, asitta'no! Iko bawanna mpunoi mennang!” Nanalluruna Doég nanaunoi iyaro imang-ngimangngé. Iyaro essoé naunoni aruwa pulona lima tau imang iya mappunnaiyé ha' paké waju éfod.

1 SAMUEL 22:18 ပူးပေါင်းရင်းမြစ်များ

ZEFANYA 3:3

Sining tomarajana kotaéro padai singa iya mangngaungngé. Sining hakinna padai serigala iya malupué; mangowa senna angkanna muwi séddi buku dé'to gaga nasalai untu' bajana.

MIKHA 6:16

Iya manennaro kajajiyangngi nasaba muwaccowériwi sining pangkaukeng majana Arung Omri sibawa ana'na, iyanaritu Arung Ahab. Muwaccowériwi cara-carana mennang. Rimakkuwannanaro Uwancuru'ko matu, nariyéllé'ko matu sibawa ripakatuna ri sininna bangsaé.”

HOSEA 7:3

Makkedai Puwangnge, “Nasibawang bellé sibawa sining pangkaukenna iya majaé makkuragai ra'ya'é pésennangiwi atinna arungngé sibawa pajaba'-pajaba'na pamaréntaé.

HOSEA 5:11

Ritenre'i Israélié; ateddéngengngi ha'na tanana, nasaba mattedde'i untu' méllau tulung lao ri iya sitongennaé dé' naulléi tulungngi.

2 TAWARIKH 24:21

Iyakiya sikongkolo'i ra'ya'é méwai Zakharia, na Arung Yoas maccowéi ri laleng assikongkolokengngéro. Dé' naéngngerangngi jasa-jasana sibawa atinulurenna Yoyada, ambo'na Zakharia. Nasaba paréntana arungngé, rigenrungngi batu Zakharia gangka maté ri seddéna Bolana Puwangnge. Wettunna maélo maté, gorani Zakharia, “Tennapodo Puwangnge mitai pangkaukemmué sibawa mpale'i!”

1 SAMUEL 2:36

Tungke' wijammu iya tuwoé mupa, laowi matu ri imangngéro untu' méllau dowi sibawa inanré. Naéllauwi matu, Palaloka bantui sining imangngé, kuwammengngi weddikka manré namuni banna sitémpu bawang.”

1 SAMUEL 2:28

Polé risininna suku Israélié purani Upilé kaluwargana mancaji imak-Ku, untu' mattumani ri mézbaé, mattunu dupa, sibawa pakéi waju éfod rékko mabbicarai sibawa Iyya. Sibawa lao ri mennang sibawa wija-wijanna purani Uwéréng ha' untu' malai sibagiyang polé ri akkarobangeng pakkasuwiyang iya ritunué ri mézbaé.

1 SAMUEL 2:18

Na wettuéro, Samuél iya anana'é muparo matterui tumaningiwi Puwangnge. Pakéi waju ripallaing polé ri kaing lénangngé, pada-pada waju assompanna sining imangngé.

ASSURENG 28:40

Ebbuno kaméja, babbang sibawa passapu untu' ana'-ana'na Harun kuwammengngi napaita mennang malebbi.

MAZMUR 78:64

Imang-ngimanna mennang riyunoi sibawa peddang, janda-jandana mennang dé' naulléi mpating.

AMSAL 24:15

Aja' mupada-pada tau majaé iya sipekke'é rampo'i tau malempué sibawa rampasa'i bolana.