1 SAMUEL 20:2 - KITTA KAREBA MADECENG

² Nappébali Yonatan, “Aja' muwakkeda makkuwaro! Nasabbing Puwangnge, dé' nariyunoko matu. Tuli napowadakka ambo'ku sininna rancanana, muwi iya pentingngé, iyare'ga dé'é. Jaji dé' nakkullé narahasiyakang iyaro akkattana lao ri iyya. Rimakkuwannanaro, aga iya mupowadaéro dé' natongeng!”

1 SAMUEL 20:2 ပူးပေါင်းရင်းမြစ်များ

KAJAJIYANG 44:7

Pappébalinna mennang lao ri aléna, “Aga akkattana Bapa'? Mattanroki makkedaé dé' naripogau' makkuwaéro!

MAZMUR 40:6

Puwang, pékkugi égana winru-Mu untu' aléta, oh Puwang, Allataalaku, dé'gaga padam-Mu! Maéga rancana-Mu iya mappabengngaé untu' idi, dé' namakkullé ricurita maneng.

AMSAL 29:24

Tau iya sikongkolo'é pangaé, bettuwanna nacéccéi aléna. Rékko matterui napannessa ri pengadilangngé, ripakennai matu pahukkungeng. Iyakiya rékko mammekkoi bawang, nakennai matu tanrona Allataala.

YESAYA 50:5

Puwangnge mpérékka pappéjeppu; dé' umaronta iyaré'ga giling polé ri Aléna.

LUKAS 20:16

Pasti poléi matu sibawa naunoi pajjama-pajjama dare'éro, nainappa iyaro dare'é nabbéréyangngi lao risining pajjama-pajjama dare' laingngé.” Naéngkalingana iyaro, makkedani sining tauwé lao ri Yésus, “Sitonget-tongenna dé'!”

YOHANES 15:15

Dé'na Uwobbiko ata, saba' ataé dé' naissengngi aga napogau' puwanna. Uwobbiko sellao, saba' sininna Uwéngkalingaé poléi ri Ambo'é, pura manenni Upaissengiko.

YOHANES 17:8

Purani Upalettu' ri mennang ada-ada iya nawéréngngék-Ka Ambo'; napurani natarima mennang. Naisseng mennang makkedaé Ambo' ritu suro-Ka.

YOSUA 22:29

Ateppe'no, dé' tamaélo méwai Puwangnge iyaré'ga mappésau mattumani ri Aléna sibawa tambaiwi mézba laingngé untu' akkarobangeng ritunu iyaré'ga akkarobangeng gandong iyaré'ga untu' pakkasuwiyang, na mézbana Puwang Allataalata engkana ri yolona Kéma Ahadérékenna Puwangnge.”

YOSUA 24:16

Namappébali umma Israélié, “Dé' sises-siseng tamaélo salaiwi Puwangnge untu' mattumani lao ri déwata-déwata laingngé!

1 SAMUEL 14:45

Iyakiya makkedai ra'ya'é lao ri Saul, “Harusu'iga Yonatan rihukkung maté? Padahal aléna ritu tiwii apakalang battowaéwé? Dé'! Majjanciki nasabbing Puwang iya tuwoé, makkedaé dé' nawedding Yonatan ateddéngeng muwi silampa gemme'na polé ri ulunna. Nasaba pattulunna Puwangnge ritu, nalolongeng apakalang essoéwé.” Makkuwaniro Yonatan ripassalama polé ri pahukkungeng maté ri ra'ya'é.

1 SAMUEL 20:1

Nalarina Daud polé ri Nayot seddéna Rama nalao méwai sita Yonatan, namakkutana, “Aga asalakku? Ja aga pura upogau' sibawa aga dosaku lao ri ambo'mu angkanna maéloi mpunoka?”

1 SAMUEL 20:12

Nanakkeda Yonatan lao ri Daud, “Tennapodo Puwangnge, Allataalana Israélié mancaji sabbitta! Baja éléé iyaré'ga sangadi kira-kira ri wettu pada-padaé makkekkuwangngéwé, maéloka makkuraga missengngi lise atinna ambo'ku. Rékko kédo makessing muwi lao ri iko, kirikka matu karéba lao ri iko.

1 SAMUEL 20:3

Nappébali Daud, “Naisseng madécéng ambo'mu makkedaé mupojika. Jaji pasti dé' namaélo paissengiko gau'éro kuwammengngi dé' mumessé. Muwi pékkugi, nasabbing Puwang iya tuwoé, sitongenna atuwokku pada-padai ittelloé ri cappa tanru'é!”

1 SAMUEL 9:15

Siesso riyolonaro mappasengngi Puwangnge ri Samuél makkuwaé,